今日工人放假，我地就帶Josie去街街。
第一站@Salon
輪流剪頭髮，輪流睇囡，相識多年既髮型師，睇見好肉地既Josie 覺得好 surprise, 因為我地兩公婆都瘦底ar ma.
( 老公同 Josie 妹玩跳舞，佢跳得好開心，另外對
salon 每一個人都好好奇，係咁望望望 )
第二站買新鈪仔@純銀店
自細就戴銀鈪仔，裏面刻左自己個名，所以一直都好想買一隻俾 Josie, 刻番佢個名上去。點之上次想買之際，嫲嫲咁o岩買左，奇怪地佢買左兩隻完全一樣款式，不過個款係刻唔到名既，99一番好意當然照幫Josie 戴啦。
事隔幾個月，仍然好想有隻有Josie 名既鈪仔，所以都係再買多隻。
第三站晚飯@上海軒, 荃新天地
但凡係上海菜都想試一試，不過呢間認真麻麻地，怪唔知得間舖頭勁吉，冇乜人幫襯。
( 上海小籠包 )
( 擔擔麵 )
( 上海春卷 )
( 上海炒年糕 )
( 豆沙鍋餅 )
好記得上年同二家姐一齊大住個肚o係娘家過中秋，因為粗身大細唔方便出去湊熱鬧。
今年大家既BB已經七個半月了，仍然唔係好方便出去，所以又一家過節。
( 買給 Josie 的鬆弛熊燈籠
)
( 佢未識玩，剩係不停咬咬咬 )
( 點燈籠&賞月@公公花園 )
上次 Josie 因為學識企所以唔多願游，成日要企起身，今日開水池都擔心佢企多過游。
點之今日佢又變番好地地，游得好好，唔使扶住佢，自己用水泡游。
( 一家三口玩水水
( Josie 一面浮水，一面食波仔 )
( 用水泡自己游游游
)
( Josie 好鍾意呢個流水玩具 ) 新居全屋都係新造既柚木地板，經過兩個月既熱脹冷縮，爆到一地都係空隙，今日終於搵人黎維修。
修補既時候需要用到天拿水，全屋都要整，但見阿囡間房唔嚴重所以唔整，於是一整日同 Josie 妹困左o係佢間房，再用膠紙封門邊，希望盡量唔好入到D味去阿囡間房。 ( 自細都係用柚木地板其實唔多鍾意，都係鍾意 sweet
home 大大塊既地磚多D )
之前每次俾 Josie 食生果都會用攪拌機先攪爛，一黎佢未有牙仔唔識食，二黎係乘機溝D水入去，想佢飲多少少水。
今次食香蕉就貪得意，用羹仔逐羹挖出黎餵，香蕉咁軟腍腍，實唔怕哽親。
近日Josie 好鍾意扶住人或者扶住物件企起身，就係因為咁連玩水都要企，唔肯游，一放低又企，一放低又企，正傻妹～
( 婆婆一手抱兩個孫^^ )
我唔食魚，好憎魚，同埋好驚魚。
呢個係我偏食既壞習慣，相信改唔到，亦冇打算改。
我叫屋企人齊齊幫我保守呢個袐密，希望有咁遲得咁遲先俾阿囡發現。
作為媽媽，我唔能夠以身作則真係好抱歉，希望第時阿囡唔好學我D衰野。\
( 多得朋友教路，我先知三文魚柳原來可以o係超市買到 )
咪係代課必備既搵食工具，一直儲埋個壞左既咪係屋企，因為知道教協有時會有舊換新既 promotion, 一舊冇用既野，可以慳番幾十蚊!
( 今次買個大D響D既，因為有時上體育堂o係操場比較空曠，細咪有時真係唔夠聲 )
多謝各位捧場，今日BB聚會好開心！BB大個左又好玩左。
特別鳴謝喜傑及牛師傅炮製嘅脆皮奶黃月餅！貫徹喜傑嘅細心周到與及牛仔大師級嘅風範。
多謝嵐嵐走兩場都專程到訪。仲有精靈卓宏再無嚇親仲幫忙教 Josie 學爬學抹地。當然唔少得昊昊幫手整月餅，以及小虎妹幫忙測試場地安全。霍太嘅到訪更加驚喜。
如果卓樂同埋新鮮出爐嘅立花兄弟可以嚟埋就真係完美!
大興之友BB gathering會長攪長有，遲d攪埋play group.
Cobe & Alice要好好休息，期待下次9個BB全部到齊：）
( 蛋黃16隻 )
( 牛師傅秘製奶黃 )
( 喜傑預備的電子磅，好pro! )
( 牛師傅工架十足，勁!!! )
