時間勁緊迫，由中醫診所趕返屋企帶 Josie 去跳舞。
原來第三堂再學另一首新歌，學多左唔同既舞步，落堂之後又去左 indoor play area 玩。
2014年8月14日 星期四
2014年8月12日 星期二
2014-07-27 灰爆!
今日簡直係過去半年沒有工人的日子最難過既一日，由於近排我身上唔同部位都有類似蝨咬既紅印，痕癢難耐，決定試下用滅蝨炸彈。
一家四口晨早放完三個炸彈，即走!
就黎夠鐘返屋企善後既時候，相約好既鐘點甩底!!!!!
尋晚仲誓神劈願話一定到，真係嬲到爆+灰到爆!!!!!!
結果緊急應變，dad dad 返屋企開晒全部窗通風，先換 Max 床單、抺全間房，然後安排眼瞓到暈既 Max 返屋企瞓覺。
而 mama 同 Josie 喺樓下 Starbucks hea, 等 dad dad 處理 Josie 間房，再輪到 Josie 瞓晏覺。
如是者，抺埋廳、主人房，係屋企每一個角落，每一樣野都要抺，結果由2pm抺到夜晚12am!!!
辛苦晒 dad dad, 話說有人話睡前會幫佢全身按摩，但累爆瞓著左 :P
2014年8月11日 星期一
2014-07-26 S98 long time no see gathering
S98好耐冇gathering啦，今日重回舊地，真係好懷念住宿舍既日子。
冇見一排小朋友大個左好多好多，一齊玩、跑、食，真係好開心。
今日小朋友玩玩玩，大人傾傾傾，勁夜先走，好夜先走，應該係 Josie & Max 第一次咁夜返到屋企，仲夜過去飲 :P
2014年8月9日 星期六
2014-07-24 夜遊迪士尼
好耐好耐冇試過喺迪士尼逗留到夜晚，今次想俾佢地睇煙花，所以六點先入場，順度食埋晚飯。
今次只係只係睇一個 Stitch show, 玩一轉小小世界, 再玩燈光璀璨既Merry-Go-Round, 最後喺 Royal Banquet Hall 食晚飯，再慢慢行下等睇埋煙花先走。
2014年8月8日 星期五
2014-07-24 ultrasound check up
血管瘤覆診前夕，醫生安排左再一次既超聲波檢查，睇睇耳仔下面血管既情況。
我地預早一晚話俾 Josie 知要檢查，佢已經熟晒程序，去搵晒屋企既收銀機、電腦，當係醫院既器材，又玩一次 doctor game.
一時做醫生，一時做 patient, 仲要扮埋擠D ultrasound gel 落耳仔，非常認真。
2014-07-23 more artworks
小朋友既進步真係可以好快，早前先第一次俾佢話呢類 artworks, 開頭大部分都係 mama 教佢，佢貼得唔好就幫佢再貼。
玩左幾份之後，佢可以完全對住圖片，自己搵出拼貼既次序，大部分都能獨力完成。
2014年8月7日 星期四
2014-07-23 hip hop class again
今日第二堂，早左少少到 Josie 見到鏡中既自己都可以 natural high~
今日冇得再留低睇佢上堂，隨意喺 club house 個小小圖書閣揀本書，罰企係門口，一邊睇書，一邊八卦下 Josie 上堂既情況。
佢大置上都跟從老師既指示，但如果有小朋友做頑皮野，佢會即跟，attention seeking 情況同學校&屋企不相伯仲 O_o
小朋友可以好快混熟，小休去洗手間都要手拖手一齊去。
落堂之後去左 indoor play area 玩，呢個鐘數去 outdoor 真係會曬溶!
2014-07-22 Gakken Workbook《Let's Learn》
兩個多月前，朋友送左本練習簿俾 Josie, 今日終於攞出黎玩下。
本練習簿勁厚，好多有填色、連線、數數、貼貼紙既練習。
Josie 自己做之餘，都俾 Max 玩貼貼紙，估佢唔到肯慷慨分享，讚!
2014年8月6日 星期三
2014-07-21 facial & body massage by Josie
向來 Josie 好鍾意角色扮演既遊戲，經常玩既有 doctor game & salon game.
今晚佢化身美容師，幫 mama 做 facial, 用好多唔同工具喺面上搽左好多好多野，包括有 blueberry eye mask, sugar flower (flour?!),
都唔知佢喺邊度學 :P
最後仲有 body massage 都係收 40 蚊，too funny!
2014年8月5日 星期二
2014-07-21 1st Hip Hop Class@Club House
Josie 上得好開心，舞步跟到一 d d, 總算用心學, good try!
原來睇住自己既小朋友學野係又攪笑、又開心, enjoy so much ^^
上完 hip hop 班，再去 outdoor play area 玩，真盡興!
2014年8月4日 星期一
2014年8月2日 星期六
2014年7月31日 星期四
2014-07-17 「糖黐豆」&「水溝油」again!
事隔三日，似曾相識既畫面又出現。
一朝瞓醒兩個又因為少少事一齊爆喊，為 mama 忙碌既一日揭開序幕 =.=
晚飯後同 dad dad 玩拋波仔既時候，又玩到喪 high 爆。
兩樣都係好高分貝，當然 mama 最鐘意你地一齊玩，玩到勁開心啦～
2014-07-17 Josie的假期功課
記得 Josie 第一份功課係大約七個月前既聖誕假期工作紙，其實只不過係填顏色，但當時既佢係唔多願做。
再之後一份係三個月前既復活節工作紙，填色以外也要圈物件，當時進步左少少，算樂意地完成。
今次呢份暑假工作紙，填色、圈物件、連線都有，程度比以往複雜，而且佢表現得非常積極，主動話要做功課，本來打算分開幾次做，但佢做完又想再做，結果一次就完成左成份假期功課。
好開心睇見佢執筆、畫圈、連線、填色、對內容既理解等等都進步左好多，加油!
2014年7月30日 星期三
2014年7月29日 星期二
2014-07-13 World Cup Final
2010年既世界盃陀住 Josie, 捱夜睇波，睇一場內疚一場。
今屆最多捱累，下一日累爆咁一個湊兩個，但唔傷及小朋友，所以幾乎場場都睇。
再下一屆，Josie 7歲半，Max差唔多6歲，相信我已經過緊好日子，期待!
( 雖然今晚捧阿根廷，但德國嗰球世界波實在精彩，同埋咁多場都踢得好好，整隊波都好強，奪冠實在實至名歸)
訂閱：
文章 (Atom)