2015-01-11 6299 are back

6299 去完兩個多月美國之旅啦，今日黎左探孫仔孫女，仲帶左好多禮物返黎。

2013-02-10 Max100日@大年初一

好開心 Max 100日啦，亦即係我坐月坐足一百日既完結，今次真係勁乖勁忍口，一口凍飲都未飲過，為左下半世好身體(都唔知係咪真既:P)，我再次發揮我既忍功，連我自己都好佩服自己既忍耐力, wakaka!!!

2013-02-03 幾年冇飲既 Mocha @Starbucks

老公夜媽媽落左樓下 Starbucks 買咖啡，仲要勁當眼咁放喺櫃面，忍唔住偷飲左兩啖，正!

自從 2010年陀住 Josie 開始已戒飲咖啡、可樂，2011生左 Josie餵人奶仍然繼續戒，2012又發現有左 Max, 再戒! 直至而家 2013 仍然係人奶媽，救命!!!

三年啦，我真係好想好想大啖大啖咁飲咖啡&可樂呀!!!

2012-12-27 一家大細去覆診

今日係產後既第二次覆診，因為要餵奶所以一定要帶埋 Max 去。臨出門口既時候 Josie 瞓醒晏覺，dad dad 唔捨得掉低佢喺屋企，於是變成一家四口一齊去覆診。

Ultrasound 照到子宮已回復正常，但裏面仲有少少線未溶晒。

診所勁多人，最終由4點幾睇到夜晚八點，帶住兩件出街真係好困難，Max都好地地，食完就瞓，餓醒又再食；Josie 就難攪D, 要佢困喺診所咁多個鐘，少少扭計都收貨啦，以後呢D場合都係唔好帶埋家姐出黎啦!

( Max@DAY55 )

2012-12-23 鹿茸補身

早排返娘家探媽咪，佢話我面色唔好，叫我買鹿茸燉黎食，仲吩咐我要盡快補，唔好錯過產後嗰100日喎。

( 4両鹿茸，一共分四次燉 )

2012-11-20 媽媽再補鈣

同上次一樣，食晒婦科醫生開既鈣片之後，都係覺得生完之後補充下鈣會比較好，不過揾唔番上次喺 Watson’s 買既液體鈣，所以買住另一隻試下先。  

2012-11-03 LittleB Max 出世啦～

( LittleB Max 出世啦，只係重7磅2, 比家姐 Josie 輕好多，個頭都細好多 )

( 凌晨4時隔離床入院，低能既布簾設計，連隔離床既我都刺眼到醒左 :( )  

( 即時 whatsapp 老公記得帶眼罩俾我 )

( 成晚隔離床既媽媽打鼻寒，唔使幾耐病房開大燈，宣布全晚冇瞓過咁滯 )

( 工人提早起床開行幾個爐頭煲粥、煲湯、煲炒米茶、煲薑水 )  

( 第二胎真係唔同D，上次乜都冇，今次準備非常充足，唔該晒我既得力工人 )

( 體重增加32磅，肚圍42” …… 終於等到今日啦!!! )  

( 換好手術衫要推落去手術室啦～ )

( 等左好耐醫生先出現，原來佢剛剛幫一個第四胎既媽媽順產……如果佢生得慢咁我咪有排等?! )

( 老公會陪產，所以要入呢個
waiting room 換衫 )

( 等手術各樣準備做好晒先至可以入手術室 )

( 兩年之內做第二任爸爸^^ )

( 好快我又被推返病房休息了 )

( 手術後的我超級累，接住係不斷狂瞓 )

( 老公畫既卡 )

( 喺我熟睡既時候，老公去左排隊預約睇B )

( 唔知係咪因為星期六，所以觀B區好多人 )  

( 洗完白白既 Max ) 

( 老公影左好多相俾我睇，雖然瞓下醒下N咁多次，每次醒一醒我只係講一句「好……攰……呀!」然後又瞓返 )  

( 之後爺爺嫲嫲帶左 Josie 黎醫院睇B )

( Josie家姐 & Max細佬第一次見面)

( Josie 隔住玻璃講 “baby! Baby!” 但相信佢未明白係乜野一回事)

( Max 一出世個樣同 Josie 出世時有幾分似，都有長長既眼線，等 mama 以為佢地係大眼B, 結果開眼之後兩個都只係細眼B =.= )

( 嫲嫲呢幾日會幫手照顧 Josie, 咁工人就有空買餸、煮野、煲湯、送食物到醫院，而 dad dad 就可以全日喺醫院照顧我 )

( 婆婆黎到醫院 Josie 超級開心，即刻要婆婆抱抱 )

( 跟住姨丈、姨媽、Ivan表哥都黎左 )

( Ivan表哥同 Josie表妹shake hand「恭喜你做家姐喎(設計對白^^)」 )

( 姨丈抱住 Josie 睇細佬 Max )

( 伯伯同表姑媽都黎左探我同BB )

( 手術後既我未落得床，見到 Josie 黎探我好開心 )

( 瞓住黎影合照 :P )

( 開眼啦…… )

( …… 唔夠幾秒又瞓番
)  

2012-11-02 提前入院待產

聽日開刀生BB, 但我選擇左提前一晚入院，感覺個心會定少少，就算帶漏野都可以叫老公聽日補帶。

( 安頓好所有野之後，老公回家休息……產前最後合照，明天再見～ )

( 呢個時間表係老公畫既，係黎緊4日3夜住院時工人準備食物/湯水、送餐到醫院、去街市、照顧Josie等安排 )  

( 法國醫院好full, 可以揀既床位不多，今次被安排在新房，相對較靜 )

( 房間新淨但沒有窗，床頭沒有小燈，只有好刺眼既天花燈 )

( 黎緊4日3夜就係按呢個時間去餵奶同埋探BB
)