有個學生尋晚o係屋企唔舒服，今日佢既 daddy 打黎學校搵我問番佢個小朋友既情況。
初黎報到當然唔會知佢講緊邊個學生，只係知道個學生個名 F字頭，叫唔知咩野 Fxxxxx BiBi(印像中坐位表中係有人叫BiBi既，所以我都冇細心聽家長點讀點串佢地個名)
.......於是我走去班房想搵當時人，熱心班長仔即時搵左個女同學俾我，為左確認一下有冇搵錯人，我指住抄低左既電話號碼問個小朋友 “Is it your daddy's mobile number?" 佢答NO. 如是者再有好多熱心同學搵左好幾個BiBi出來，結果都唔係我想要o個個。
然後，因為分班上，另外半班o係 library, 班長仔似乎知道我想搵既人，所以帶我去library 搵，一搵bibi, 同時幾個學生走出黎，到最後我終於知道.............原來巴基斯坦 Bi Bi 代表女仔!!!!!! =.=
又接左一連兩日既代課，兩日都有老公接送返工放工，車程之中聽左句令我覺得好開心既說話
「自從消防起未試過唔想番工!」
我真係好替老公開心，因為教書既時候老公真係忙得好緊要，每日7點幾返到學校，做到夜晚7點幾，仲要繼續帶野番屋企做，有時夜晚會有家長會，星期六日都會有帶隊工作，長假期又要去交流，一句講晒，勁辛苦! 完全冇私人時間，所以有時步入校門既一刻心情真係會好沉重。
轉左消防之後，雖然o個24小時係真係忙，但極少要帶野番屋企做，基本上放工就係放工。
能夠做一份自己喜歡既工作真係好好，
聽完老公既分享我真係安樂晒，當初咁支持佢轉行既決定係冇錯既
: )
( 代課期間又超掛住Josie,
要靠睇
cam 同埋老公 whatsapp send 相 send 片俾我 )
今日本來要去代一個幾星期既代課，但係我代左半日已經覺得課擔唔係路，首先一日十堂，真係好crazy，忙到抽唔到時間泵奶(呢樣野係冇得遷就既，因為所有代課以唔影響 Josie 妹食人奶為大前提)，趕到死死下，仲要係要借用學校醫療室，冇得lock, 一路泵一路怕有人唔小心開門(接呢單代課前，已向搵我代課既副校提出我必需要中午泵一次人奶。)
一早番到去就，未上堂就俾人捉左去開備課會；帶完學生放學諗住可以抖抖，點之副校話要到禮堂睇學生做功課，全校既老師都係咁，直至法定放學時間先可以離開禮堂(事前冇講過，仲要暗示大部分老師都係留到好夜先走)。
最最最大問題係將要考試，勁多書未教晒，好多習作要趕住做，有乜理由要一個代課追趕進度，我計過要一個星期內教2-3課書，點教?!
就算極速教完，相信學生都唔會吸收得到。
種種因素之下，我唔想代落去，所以向副校長請辭，我知係變相一鑊翹起佢(點講都係我唔o岩)，但我真係頂唔到，同埋頂到都會唔開心，咁何必呢!
代得輕鬆、代得開心係我代課既大原則。
副校非常唔高興，講左D說話令我一D都冇後悔唔幫佢代落去，最後仲要攞校長黎撻我，不過我係唔會驚既……見完校長，件事總算告一段落。
成件事從開初接代課起，一直同呢個副校溝通，通話次數唔算多，加埋當面傾過計，我好想講呢個副校真係超唔掂，好少遇到咁既質素既副校。
( 一枱都係要改既簿，加上今日中文默書，超灰！ )
( 雖然提早請辭，但今日既工作我一定做足晒既，改晒所有簿 )
( 寫低晒批改左咩功課同埋每一班教到邊度等等…… )
生左 Josie 八個幾月一直忙忙忙，中間有學校搵我代課都推晒，因為實在唔係好得閒。今次係舊校搵我，終於接左，因為好想乘機同舊同事聚下舊，兩日咁多 :P
( Me & Wing ( 超級勁勁勁掛住 Josie, ( 是日外賣lunch, very bad, 聽日一定會自己帶飯盒 )
)
唯有用 iphone
睇 ip
cam 補數 )
Josie 由6個月開始食固體食物，直至而家就黎8個月，一切開始穩定，所以我都想開始做番代課，賺下零用錢。
點之第一單代課就泡湯了，事關我仲餵緊全人奶，打算出門口前會泵一次，放工即刻飛返屋企再泵一次，但係學校o個8個小時之內點都要泵番一次，一來係要確保KEEP番個奶量，二來咁長時間唔泵，谷奶會好痛。
接到學校打黎既電話，少少尷尬咁同學校講我要泵奶既情況，想佢先FAX個時間表俾我，再睇下配唔配合到 lunch 時間(或lunch前後)抽大約30mins泵奶。
( 老師在校的時間真的太忙了，lunch又要陪學生食飯，又要當值，前前後後想抽半小時泵奶都不行。最終以不影響 Josie 為大前提之下，拒絕了產後第一次 part-time job )
咪係代課必備既搵食工具，一直儲埋個壞左既咪係屋企，因為知道教協有時會有舊換新既 promotion, 一舊冇用既野，可以慳番幾十蚊!
( 今次買個大D響D既，因為有時上體育堂o係操場比較空曠，細咪有時真係唔夠聲 )
之前推了一個產假代課，因為代十星期對我來說太長了，而且學校遠又番得早，課擔亦不輕鬆。
而這次的四星期代課就好似好不錯，學校近，上課下課時間合理，不用再看管學生午膳，代非班主任位……唯獨一樣不好的是校風不太好，學生頗難教。
希望這四星期平安過度，一切順順利利
( 要從懶洋洋的生活中伸一個大懶腰，努力! 
剛過去的四星期代課很是辛苦，還以為可以提早放聖誕假，誰不知又接到另一間學校找我代課，先代A老師兩天，再代B老師三天。
幸好這間學校的學生也很乖，令我代得很輕鬆；加上學校在荃灣，放工後又方便我shopping、facial、hair cut… 以後再找我的話都一定會再代。
起初是因為看過朋友的時間表，衡量過她的課擔才接了這單四星期的代課，可是情況卻很壞。
每天的大部分空堂都被編代課的老師編得密密麻麻，18天之內竟代了60堂，代得我很累也很不開心，課擔簡直就像double了，要不是幫朋友我真的一早會請辭，我真的不認同學校編代課的安排，過去這麼多年代課生涯以來，沒有一間學校會這樣對我。
自問向來是一位非常盡責的代課老師，代過的學校都會很滿意，會經常找我代完再代，加上他們都知道體育代課老師難求，所以都會禮待我，客客氣氣的，校長更會唔該前唔該後咁多謝我既幫忙。
這四星期以來我真的很累，很谷氣，每天都在 count down 日子，好想快點完，可幸的是學生算是乖的，要不然我真的會死。
( 朋友知我代得很辛苦，常常跟我說不好意思，今天好 surpise 地送我一份禮物＆ 卡，答謝我的幫忙，Thank
You!!! )
非常低溫之下參加學校旅行真是一件苦事, 幸好有學生BBQ, 我可以一直坐近爐邊取暖…… 可是有一個小時要到風箏區當值, 十級大風, 對我來說簡直是酷刑
十級大風的風箏區:
好輕鬆的四天, 又可跟舊同事見見面, 非常開心….只是略嫌上班時間比其他學校早, 放工時間又比其他遲, 結果要駕車番工節省一點時間, 但學校又沒有車位, 要找車場泊, 幸好只是四天, 當聚舊吧~
今日代課既學校碰巧有大型活動舉行, 呢個活動攪得好大, 全校師生&家長一同參與, 火炬接力跑範圍更跑出學校, 沿途各班熱烈歡呼, 場面好熱鬧.
( 相片之中有我架, 相信大家冇可能搵得到
:P )
已經去到學期尾聲, 以為代課已收爐, 估唔到尋晚仲收到電話call番工
第一日好輕鬆, 書已經教晒, 只係俾學生溫習.
第二&三日係考試, 兩節都要監考晒, 好眼訓
