2015-07-09 K1(2nd term) Parents’ Day

今日係家長日，面見 Josie 既另一位老師，一切既交談同成績表上面寫既野都算係意料中事。

知道 Josie 一向好嚮往校園生活、用心上課、跟同學相處融洽、喜愛每一位老師。

記得上學期另一個班主任話擔心 Josie 俾太大壓力自己，要自己做一個好學生，而家聽另一個老師講佢校內既狀況，其實同喺屋企都差不多了，我相信佢已經做返真正既自己 :P

( 成績單上分五個範疇，關於 language 方面，我睇到最後一句爆笑了 :D ) 

2015-07-08 last day of K1

眨下眼 K1 完結啦～

身邊好多朋友既仔仔女女已經上小學，睇見佢地成日話多功課、默書、測驗，做阿媽既又忙埋一份，睇見都替佢地辛苦。

雖然未剎到埋身，但已感受到辛苦之路不遠矣 >.<

( Josie & 校長 Miss Ho )

2015-07-02 Colourful day in RED

今日係學校既 colourful day, 唔使著校服, Josie 嗰班著紅色衫。

揀左新鮮熱辣英國買返黎既裙仔俾佢著, Josie 超開心呢!

2015-06-12 K1結業禮

話咁快就一年啦，上年 PN baby 時既結業禮仍歷歷在目呢!

今年既結業禮係K1-3一齊既，所以儀式長左好多，表演亦好多。

最可惜係 dad dad 去左英國公幹，冇得現場睇 Josie 嗰班唱叉燒包既攪笑演出 :D

2015-05-30 PTA Sports Day

2015-04-02 Easter Party

( 放假前學校既復活節慶祝活動，唔使著校服，著左件兔仔衫配合番主題 )

2015-03-17 種綠豆

近日 Josie 有同我講喺學校種綠豆既詳細情況(所需物資、日常料理等)，又話我知植物生長需要陽光、水份、空氣等等……

今日接放學終於見佢帶佢棵綠豆返屋企啦～

2015-02-16 Flower Market@school

又係一年一度學校攪既年宵市場，上年 mama 帶 Josie 參加，今年要留喺屋企照顧 Max(仲係有少少發燒 >.< )，所以由 dad dad 出席。

2015-01-30 K1家長日

老師對 Josie 既評價好高，話佢好清楚自己返學係要做個好學生，學習認真、學過既全部記得，會做番晒出黎，令人知佢學識左咩，佢表現到俾老師知佢程度，老師可教佢更多，班主任x2,英文net teacher,普通話老師好鍾意佢，好錫佢。

除此之外，無論任何課堂都非常留心上課，又好自律。平時好似個班長仔咁、好願意幫助其他同學，而且係老師既好幫手。

所以學術方面老師話唔同我多講，因PN時已溝通過，反而focus佢既emotion, 想佢開心些，怕佢俾自己大壓力。幸好老師話佢都有童真、唔係老人精，會有silly 既時候，佢地會由佢silly 下，話係需要既，主要係想佢知道學校可以好fun.... Need not to be perfect.

另外老師以為我地課餘時間報好多班，爸媽日日幫佢溫習，我話俾老師知冇報任何班、冇溫習，在家玩多，老師非常surprise, 同埋替我開心。

2015-01-29 birthday party@school

上年係 dad dad 出席學校既生日會，今年 dad dad 都有攞假幫手睇住 Max, 等我可以出去參加，好開心啊~

2015-01-23 Josie 講故事@school

今日係學校今個學年第五次閱讀日，會請全部同學喺班裏面講故事。

我地由星期一開始，每晚臨瞓前同 Josie 一齊練習，佢真係好攪笑，每次排練講既內容都唔一樣，經常自由發揮。

練左四日，今日返學出門既時候問佢要喺全部同學&老師面前講故事緊唔緊張，驚唔驚，佢啖啖定咁答：「唔驚～因為有練習架嘛～」

我好懷疑呢個o靚妹只係喺屋企先夠膽講，所以一接放學就即刻問老師佢講成點。

2014-10-09 "Love Post Day"

收到學校既回條先知今日係「郵遞傳情日」，可以免費郵寄俾摯愛親友，傳情寄意。

dad dad 同 Josie 合作畫左張卡送俾公公婆婆，祝福佢地即將遠行一帆風順^^

2014-10-06 EVI 兒童教育資訊網

升上 K1 之後，學校參加左 EVI 親子學習平台，每個學生一個帳號，每星期完成網上閲讀及相關小功課。

對 Josie 黎講當然感覺新鮮，對著大電視一齊睇故事、玩遊戲，最意外係 dad dad 竟然都好雀躍，縱使 Josie 完成習作去左覺覺豬, dad dad 仍繼續襟呢度、襟嗰度，幫 Josie 賺 coins 買衫褲鞋襪 :P

2014-09-25 Josie the super star^^

平時接 Josie 放學，有時見佢手背上有印仔，又有時見佢個名牌上面有貼紙(而家已貼到睇唔到張學生相、名、班，咁仲有冇識別既作用 :P )，佢話係答左老師問題，又有時係做D到老師講既野等等。

今日接放學時，見到佢心口勁大粒星星，攞到個 super star, 趁機問多D佢喺學校既情況，有時聽佢分享真係覺得好好笑。

2014-09-03 大個女啦～

PN 同 K1 真係好大分別，只係返第二日學就完全變成正常上課日，返足三小時兼家長冇得陪。

Josie 返學放學都好開心，應該適應上冇問題吧～

2014-09-02 K1開學日

上年人生第一次開學，一家四口送返學；今日K1開學啦，剩係mama接送都好開心

P.S. 上年開學著紅色校裙，今年特登揀藍色，下年打算著黃色，希望到時記得^^

2014-08-23 K1家長會

眨下眼又一年啦，Josie 將會原校升讀K1.

好開心知道 Josie 既英文老師會做番佢既班主任，雖然好多留低左既同學仔去左隔離班，但我深信 Josie 好快可以識到好多新朋友。

2014-07-17 Josie的假期功課

記得 Josie 第一份功課係大約七個月前既聖誕假期工作紙，其實只不過係填顏色，但當時既佢係唔多願做。

再之後一份係三個月前既復活節工作紙，填色以外也要圈物件，當時進步左少少，算樂意地完成。

今次呢份暑假工作紙，填色、圈物件、連線都有，程度比以往複雜，而且佢表現得非常積極，主動話要做功課，本來打算分開幾次做，但佢做完又想再做，結果一次就完成左成份假期功課。

好開心睇見佢執筆、畫圈、連線、填色、對內容既理解等等都進步左好多，加油!

2014-07-12 PN結業典禮

今日係 PN 既結業禮，借用左隔離小學既禮堂頒獎同埋表演。

事前問左 Josie 會表演D乜野，佢都冇講我地知。

今日終於第一次見到佢上台表演，佢同 Peter Pan 一齊，應該係扮演 Tinker Bell 吧～

好開心睇到佢表演 One Little Finger, 又唱又跳, good job!

2014-07-09 Parents’ Day

今日家長日，從班主任口中了解到Josie 在校既情況，知道佢喺語言、自理能力、小肌肉發展、群體生活等等各範疇既表現都非常理想，已且評價非常高，既開心也感動。

交談之中感受到老師對佢既觀察好細緻，亦好了解佢既性格。

當初俾Josie讀 PN純粹係想自己有多d時間陪 Max,結果佢返得好開心，放學成日講好多學校野俾我知，又勁多歌仔唱，整個 PN  學年非常豐富。

沒特別期望之下卻獲益良多，慶幸當初決定俾佢讀書，希望 9 月 K1 既時候，Josie繼續佢良好既學習態度，享受校園生活。