2015-01-30 K1家長日

老師對 Josie 既評價好高，話佢好清楚自己返學係要做個好學生，學習認真、學過既全部記得，會做番晒出黎，令人知佢學識左咩，佢表現到俾老師知佢程度，老師可教佢更多，班主任x2,英文net teacher,普通話老師好鍾意佢，好錫佢。

除此之外，無論任何課堂都非常留心上課，又好自律。平時好似個班長仔咁、好願意幫助其他同學，而且係老師既好幫手。

所以學術方面老師話唔同我多講，因PN時已溝通過，反而focus佢既emotion, 想佢開心些，怕佢俾自己大壓力。幸好老師話佢都有童真、唔係老人精，會有silly 既時候，佢地會由佢silly 下，話係需要既，主要係想佢知道學校可以好fun.... Need not to be perfect.

另外老師以為我地課餘時間報好多班，爸媽日日幫佢溫習，我話俾老師知冇報任何班、冇溫習，在家玩多，老師非常surprise, 同埋替我開心。

 我同老師講我地有教佢野，但不至於溫習，我話邊有野溫架!

老師話有架，跟住俾我睇 Josie 既 assessment worksheets, 話全部佢自己做，唔係人人做到，好多講完都唔會記得，我諗就係因為佢專心學習，所以做得到。

總括黎講，真係好開心知道 Josie 喜愛校園生活、樂於學習。另外，感受到老師細心欣賞每一個學生，好全面咁關心佢地，再一次覺得為 Josie 揀呢間 happy school 係一個好好既決定。