自從沒有工人之後，mama 致力調教 Max 既瞓覺習慣。
由要人陪成粒鐘熟睡先走得，訓練到放低走人全程自己瞓，過左好一段好日子，賺返唔少時間。
十日前的起心肝同 Max 戒奶咀，總算一次成功，只係喺佢問攞 pacifier 時，同佢講：「Big boy, no pacifier~」…… 自此每次放佢落床，佢就自己會講：「Big boy, no pacifier~」
好順利戒奶咀，但可惜既係戒左之後，佢雖然唔會扭要奶咀，但好難好難先瞓得著，要人陪、要人唱歌、唔俾人走。
終於見佢定定地俾佢自己瞓，但轉頭會發現佢坐起身、行來行去、講野、唱歌、扯晒窗台既野落地、掉晒自己床既枕頭、攬枕、公仔、被舖落地、除衫、除褲……非常難攪>.<
今日瞓晏覺前故意將佢張床移離窗台既一邊，推近衣櫃，等佢冇得再攪窗台既野，點之佢自己拉櫃桶，摷亂晒D衫，仲開埋另一邊衣櫃，將一堆 Mustela hair & body wash 整跌晒落地，咁啱跌爆左隻角，漏左好多洗頭水落地，激死!!!
唉，想當年 Josie 只係幾個月就自動自覺唔要奶咀，而家 Max 要過左兩歲先黎戒，希望一切都只係過度期，盡快回復番乖乖自己瞓覺既 Max 啦!
沒有留言:
張貼留言