平日幾辛苦都好，日日望住個鐘都係希望快D到夜晚六點幾，等老公收工番黎屋企幫手。
今日佢放工之後要同同事食團年飯，所以一整日獨力一湊二，覺得時間過得特別漫長。
其實有時覺得一日過得辛唔辛苦，唔係剩係睇照顧兩個小朋友既時間有幾長、有幾多家務要做，而係佢兩個係咪乖同埋合作。
今日既辛苦係因為 Josie 超級唔合作，做每日一件事都拖延、玩、嘥時間，整到 mama 好嬲、好唔開心、好洩氣……之後佢又 say sorry 又話自己唔會再係咁、會乖，但轉頭又繼續唔乖、唔合作。
全日不停激嬲人、又不停道歉，然後再激嬲、再道歉，想點?!
完全理解唔到乜野係「承諾」，話佢就乜都知，但剩係口講唔做 >.<
沒有留言:
張貼留言