過去13個月，一直戒口、注意飲食、勤力泵奶，為既就係KEEP奶量，確保 Josie 可以全人奶，唔使食奶粉。
而家一下間要停人奶，專登食D會收奶既食物、飲品，但係真係唔多順利，依然會谷，相信三兩日之內都未停到，可能要兩個星期慢慢減，近來既轉變真係令我人都顛!
我試過既方法包括:
-飲麥精
-食麥芽餅
-食韭菜餃
-敷冰
-敷椰菜
( 有一個夜晚老公漏夜去便利店買麥精俾我飲 )
( 後來先知懷孕初期不適宜食韭菜，好彩冇事咋～ )
( 敷椰菜前要先搵個圓形既玻璃樽顏一顏塊菜，等D汁液滲出黎，再放入bra內敷15分鐘 )
多謝網友既支持，我會繼續努力update ^^
( 自從 Yahoo 轉左新版之後，感覺每日人次係少左，唔知係咪lost左好多以前訂閱開既 blogger 呢
由Josie出世嘗試餵人奶開始，遇到好多好多困難，但為左佢既健康我一直堅持，由全人奶一個月、三個月、六個月、一年…..一直將目標延長又延長， 終極目標係按世衛既建議餵到兩歲。
點之突然有左，計劃有變，分別向母乳熱線姑娘查詢，同埋問自己個婦科醫生。前者認為冇問題，絕對可以go ahead; 後者要我停，因為佢話餵人奶係抑制排卵，兩件事根本係互相對抗…… 最終我決定聽婦科醫生既意見停人奶，二來係因為泵奶既過程，子宮收縮真係會痛，一邊泵一邊驚，咁不如算吧啦～
就係咁，我完成左13個多月既全人奶既使命，真係冇諗過自己可以堅持到，自己都覺得自己好偉大。
( 而家開始，每日幫 Josie
轉一餐奶粉，希望佢最後可以接受全奶粉 )
( 有多既人奶暫時儲o係冰箱，將來再算 ) 
口口聲聲話「避龍」，直至嚴重作嘔作悶先知自己中左獎。
因為一直餵人奶沒有period, 直至Josie一歲有返period, 不過冇為意已經恢復生育能力。
第一次 period, 又變成了 last period, 哈哈!
最後，要多謝曾經o係我結婚時恭喜過我「三年抱兩」既親朋戚友 : )
網上睇過話BB出齊兩隻完整既牙齒，就要開始刷牙仔，不過我地都遲左好多先開始 :P
我覺得第一次好緊要，所以o係玩得非常愉快既氣氛之下帶 Josie 入 toilet.
預先預備好 daddy 既牙刷同埋 Josie 既兒童牙刷，然後 daddy 示範一次刷牙，dad dad 當然好合作仲好入戲，刷得非常開心，令到 Josie 以為刷牙係非常之好玩又開心既事。
之後就由媽咪扶住 Josie 對住鏡櫃開始刷牙仔啦，佢一D都冇抗拒，仲刷得好開心呀，得左!
( Josie 未識漱口[吐水出黎]，所以特別揀左 Pigeon
既初生牙gel,
刷完幫佢用濕紗巾抺下個口仔就ok啦 )
-night(goodnight)
-bea(pinky bear)
-hu oh~(當跌左野落地既時候就會講)
-轉身由床落地
另外教左 Josie 做一個開合手既手勢(please)，當佢想要野就會做呢個手勢，因為我地唔想佢亂尖叫，呢個手勢的確好好用，又容易令佢 clam down 落黎。
( 今日 Josie 貪得意，走左去媽咪書枱底玩 )
我嫌工人煮來煮去o個幾味，問佢過去8年煮咩，叫佢煮俾我試下，佢話驚我唔鍾意食，我叫佢照煮，如果我鍾意就會叫佢多D煮，唔鍾意就以後唔好煮。
點之佢去完market 返黎，話我知佢買左 frog!!!
原來佢買左田雞，我唔食架，好驚呀～～～ =.="
係我太偏食，定係你煮得太偏門呢?!
今日係肥Ming & ++既大喜日子，真的期待已久，好開心等到呢一日睇住佢地步入人生既另一個階段。
肥Ming既婚宴又係33兄弟姊妹聚首一堂既日子，我地個大家庭愈發愈大啦，好開心呢!
過去一年零十個月沒有化妝，為既係 Josie o係肚入面健健康康，同埋確保俾Josie既人奶係最安全、最無添加；今日為左隆重其事，專登著新裙、化靚妝，可想而知真係好重視呢個好朋友既大日子^^
今日亦都係 Josie 第一次參加婚宴，好擔心佢會扭計，所以「百寶袋」裏面放定各樣玩具&零食，諗住可以氹住下佢……. 好彩今日佢既表現非常之好，心情勁靚，一聽到音樂就係咁un un un, 仲不斷 clap hands, 笑容都算好充足，叻叻!
雖然 daddy 要做司儀比較忙，好彩 Josie 都肯跟33既叔叔&姨姨，令我唔使湊得咁吃力，抵鍚!
( 飲杯～)
( 好快食完 8oz 就o係mommy懷中入睡 )
( 我地一家三口祝肥Ming
& ++ 白頭到老，永遠都甜甜蜜蜜 )
以前 Josie 仲好細個既時候，佢既飲食我會比較緊張，而家佢都就黎13個月，基本上大人食既都會俾 Josie 試下，但全部都叫工人未落調味之前 keep 起。
( 第一次食米線，個樣好串呀o靚妹 )
( 食生果方面，每次都係切粒，佢就會坐定定自己食 )
近來 Josie 好鍾意o係大人食飯既時候黐飯食，於是我地索性唔俾粥，開始餵飯啦!
佢食得好開心，早之係咁一早就轉飯，唔使餵粥餵到咁可憐，博鬥左咁多個月 >.<
諗住教Josie寫下野畫下野，點之畫唔夠一陣就攞枝筆黎咬!
( 睇黎都係玩神奇畫板適合D )
( learning numbers and
alphabets )
( reading books by
herself )
( Josie 當阿番係木馬咁騎 :P )
( 豐富晚餐, thank you very much! )
( 甜品by Lucy )
( 女子組)
