2013-03-12 大破財@保健品

因為 dad dad 既病，連累 Josie & Max 都病，呢個月一家人睇醫生已經使左好多錢。

錢使左，病可以好返都算，但係就斷唔到尾，真係好煩好困擾。

最終聽左身邊既朋友介紹，買左好多中藥，希望可以幫佢地清好晒剩落黎既少少鼻水、幾聲咳、同埋唔識咳出黎既痰。

( 真係唔好睇少呢堆野，夾夾埋埋成 $2000,
仲要經常缺貨，唔係想買就買得到，所以一有貨就要買定多D看門口 )

2013-03-11 Max’s tummy time

( Max@DAY129 ) 

2013-03-11 Tea@Nova café

今日出開街買野，臨走時揾左個地方食個下午茶。

Café 位於灣景花園既商場裏面，唔係刻意去揾真係唔知有個咁既地方。

( nice place )

( books & magazine area )  

( 花茶x2 )

( 龍眼蜜提子多士 )  

( 扒芝腿三文治,
very good! )   

2013-03-10 CoCo + PoPo + Josie + Max

( PoPo 黎左探孫仔孫女，今次好幫得手，幫我帶 Josie 去 play area 放電 )

( CoCo & Josie )

( Woody is playing blocks )

( Max@DAY128 )

( 原來唔使買三座位 sofa, 因為有人坐個“膊”都夠 :P ) 

2013-03-09 Shopping@AEON

Jusco 改左名做 AEON, 咁啱遇著大減價，又買左好多野俾兩個小寶貝。

2013-03-09 Max@肺鏈第二針

Max 仲未病好，鼻仍塞呼吸不順，痰卡在喉嚨吐唔出，但只要燒已退定，就可以如期打針。

( Max@DAY127 ) 

2013-03-08 全家病倒

唉～ mama 獨力撐左一星期，照顧病晒既一家人，最終都病倒，發燒了!

Max 雖然已退定燒，但鼻水倒流/痰卡在喉嚨，吐不出來，睇見都替佢辛苦。

Josie 持續發燒，時高時低，又特別扭計。

Dad dad 仍未病好，但依然唔請病假。

前所未有咁辛苦，黑暗日子幾時過?!

( 食左5日西藥，燒退左但鼻塞/鼻水倒流改善唔到，試下改食中藥，希望保嬰丹幫到手啦~ ) 

2013-03-07 mama 死撐中

早喺2月28日老公發燒既晚上，我已經好衰咁冇同情佢病，仲開口話佢早幾日無端端著短衫短褲通屋走(平日已經唔見得特別強壯)!

本來諗住小事一樁，睇醫生食藥就會冇事，點之佢首先傳染俾 Max, 繼而傳染 Josie, 睇見兩個小寶貝受苦，傷心既同時好嬲老公。

心諗，你病左冇能力分擔日常照顧兩個小朋友既工作，仲令到佢地病埋，我剩係安排兩個定時餵藥都已經好忙，加上病緊特別扭計，又唔容易瞓著，苦上加苦。

未病好又堅持去返工，一返工又忙到顛，唔夠休息，惡性循環，咁點會好番呢?!

自問由陀 Josie 開始，我已經不斷提醒自己唔可以病，直至餵人奶嗰13個幾月，我依然同自己講唔準病，一病奶量會 drop, BB點開餐!

接住又陀 Max, 直到而家 Max 四個月大，前前後後幾年我都係靠意志力提醒自己要身體健康，我塌左BB就冇人照顧。

相反，咁多年黎，老公成日病，一年裏面咳既時間一定比冇咳既時間多。Josie 出世前同 Max 出世前我竟然係同老公講同一番說話：「你再唔病好，你係咪想阿囡(阿囝)出世見到既係幪面超人呀!」

我真係好想老公明白自己既角色，同埋好好保重身體，呻完!!!

( Max 呼吸好困難，今日試下將
high chair 較斜少少，希望減輕一下鼻水倒流既情況 ) 

2013-03-06 我學會了 "What’s your name?"

mama : "What’s your name?"

Josie : "Josie!”

Josie : (指住mama) "What’s your
name?" ……"mama!"

識得答，仲識得自問自答，證明真係學識左, wakaka……

另外睇書既時候如果 Josie 見到D物件自己都有，佢就會即刻掉低本書去揾件物件出來。今次睇緊字母 "Z" 既書仔，佢見到 "zebra", 然後就掉低本書，走去指住 mama 對拖鞋。

估唔到佢可以將成隻斑馬動物，應用到其他物件上面既斑馬紋。

2013-03-06 一個二個病晒

Max 呼吸勁唔暢順，經常尖叫+痛苦樣，mama 好心痛，好唔安落，都係睇多次醫生，好彩照完喉嚨之後醫生話已好返7、8成。

Josie 尋日開始發燒，最終再一齊睇醫生。夜晚 dad dad 出左去開會，Josie 燒到 39.9度, mama 全日都好忙亂係咁照顧兩個病B >.<

dad dad 食晒藥未好番，尋日又再睇多次 : (

mama 頂住唔可以病，要好好照顧你地每一個，你地要快d好番呀! 我撐得好辛苦呀!

( 好唔開心 Max 咁細個就要受苦 ) 

( 已經好努力隔離
Max 同埋
Josie, 點之最終 Josie 都病埋，好彩發燒得黎個人都仲好精神 )

( 慘慘 Josie 要食四種藥
>.< ) 

2013-03-05 Max 好可憐

鼻水倒流嚴重，令佢成日尖叫，嘔奶，嘔埋藥，勁慘慘豬!

( 用吸鼻器吸左好多杰杰既鼻涕，吸到 Max 鬼殺咁嘈>.< ) 

2013-03-04 Max 好辛苦

今日 dad dad 未病好都去左返工，而 mama 就勁忙，因為 Max 唔舒服，瞓唔到覺, mama 又要按時餵藥同埋餵奶，少左時間理 Josie, 佢又呷醋，嘈喧巴閉，忙到 mama 頭暈。

2013-03-03 發燒@仁安

Max boy boy 今日發燒，只係四個月人仔就第一次睇醫生。

工人放假，只能論論盡盡地一家四口一齊出去睇醫生, trouble!

醫生檢查過後，話肺部好清，耳仔好正常，到最後檢查喉嚨既時候就發現 Max 有發炎， 原來 Max 係俾 dad dad 傳染左，慘慘!

( 咁細個就要食藥，好可憐啊! )

今日本來係參加一個好難得既團拜活動，因為掀涉八個家庭，十幾個小朋友，所以早喺個幾月之前已一早約定，dad dad 見機會難得，仲叮囑各人保重身體唔好病，點之率先病既係佢自己。

( we are missed, so
pity!!! )

2013-03-01《American Reunion》

距離第一集已多過十個年頭，時間真係過得超快，強烈地感覺到自己已不再年輕了。

2013-03-01 同年同月同日生

喺街上面遇到其他小朋友，如果睇落差唔多大，唔知應該教 Josie 嗌哥哥/姐姐/弟弟/妹妹，通常都會問下對方家長小朋友幾大。

對方：「我個女兩歲。」

我:「我都係。」

對方：「佢一月出世。」

我:「我都係。」

對方：「佢29號。」

我:「我都係。」

最終我地係計埋時間先分到邊個係姐姐，邊個係妹妹。

人地媽咪好興奮咁問我有冇 join Facebook 同埋 bk 既2011 一月媽媽會，因為佢一直想揾同年同月同日生都揾唔到，估唔到今日偶然地喺街頭上遇上，so funny!