2014年12月31日 星期三
2014-12-23 放假的日子
Josie 放假, mama 同 Max 唔使再出出入入接佢放學，喺寒冷既天氣之下實在方便左。
不過變成左無時無刻兩個都一齊，爭野玩、鬧交既時間都多左。唔使返學, Josie 舊電襟用左，瞓晏覺又冇平日咁順利，對 mama 黎講又係另一種忙。
距離上次去 agent 公司請工人只係過左一個月時間，即係仲有兩個月要繼續頂 >.<
2014年12月30日 星期二
2014-12-22 即興冬至午餐&晚餐
公公婆婆、爺爺嫲嫲仲去緊旅行，今年都冇打算特別做冬。
因為 Max 整親，要帶佢出去睇牙醫，帶左 Josie 去姨媽屋企同 Ivan 表哥玩，之後造就左我地食個冬至午餐^^
到左夜晚，伯伯黎左同我地一齊晚飯。
一日之內即興地同家人食左冬至午餐&晚餐^^
2014年12月29日 星期一
2014-12-22 Josie’s iPhone
學校聖誕 party 既禮物包有個 iPhone 外形既迷宮玩具，近日 Josie 不停當佢係自己部電話。
自拍、幫人影相、學 mama 乜都影一餐，食野前影、shopping 後既戰利品又影 ^^
2014-12-22 Max 受傷了
星期六晚既半人為意外，令到 Max 面朝下跌左落地，下唇明顯兩隻牙印，流左好多血，上排牙肉腫晒、流血，隻牙仲好似移左位。
想去港安睇醫生，點之嗰度冇急症，都冇牙科，只好改去仁濟。
醫生檢查晒手、腳、頭、面，再照埋 X-ray, 冇乜事，可以放心回家。
星期日冇得睇牙醫，心情一直忐忑不安，好擔心傷及神經線，會手尾長。因為我細個溜冰既時候都撞親牙，結果攪到要杜牙根，好多年後都係唔舒服，結果要脫牙同種牙，花多好多時間、金錢，同埋受好多痛苦，所以真係好唔想 Max 有事。
2014年12月28日 星期日
2014年12月27日 星期六
2014-12-20 Preparation for X’mas
暫時聖誕檔期只係有兩個 gathering, 兩單都係 housewarming, 加上會見到好多小朋友，所以今日去左買好多禮物。
( 呢個旋轉聖誕樹音樂盒上年已經想買，考慮耐左就賣晒，今年未到12月中已經去再碰運氣，點之真係有出類似款式，即買! )
2014年12月26日 星期五
2014-12-20 三九天灸
大約半年前喺朋友診所做左一個療程，而家再另一季啦，我都打算再試一次，不過朋友個地方唔太就腳，喺冇工人既情況之下，我好難可以去到四次，結果今次近近地喺荃灣做。
今次同老公一齊去，兩個都有份貼，希望就如西醫打流感針咁，用中醫既方法加強免疫力。
2014年12月25日 星期四
2014-12-19 Max & Bonnie EE@Starbucks
今日係 Josie 學校既 X’mas party, 返學放學時間不一樣，mama 相約左另一個由 PN 到而家一齊 K1 既家長一齊去 Starbucks 飲野傾計，短短地 relax 左個多鐘頭, nice!
2014年12月24日 星期三
2014年12月23日 星期二
2014年12月22日 星期一
2014年12月21日 星期日
2014年12月20日 星期六
2014-12-13 「My Melody奇幻森林」@TMT Plaza
本來想去天水圍圖書館，點之出得門口都已經好晏，最終近少少改去屯門。
去完圖書館，順度去埋 TMT Plaza 同 Melody 影相。
從來唔係 Melody Fans, 但自從有左小朋友之後，見到呢類主題佈置，都會同 Josie & Max 影下相，等佢地開心下 : )
2014年12月19日 星期五
2014-12-13 last gymnastics lesson
一連十個星期六既體操班完成啦, Josie 似乎上得好開心，成日前返屋企教我地做新動作。
下一期既課外活動時間表出左，想報既班喺平日下晝四點，諗起未瞓醒晏覺要摷醒出去學野似乎有D變態，仲要連 Max 都無辜被牽連，實在唔想勉強。
天氣愈來愈凍，留家冬眠一下好了，有機會再有星期六既班先再報啦! 又或者等到有工人喺屋企睇住 Max 先算lu~
2014年12月18日 星期四
2014-12-12 疑似雙眼皮
由 Josie & Max 出世開始已經好有自知之明，知道佢地唔係行靚仔靚女路線，佢兩個笑起上黎對眼得返一條線，絕對係細眼一族。
Josie 大大下開始變雙眼皮，雖然係一時時，但都感覺上靚左少少，大左少少。
今日 Max 瞓醒晏覺，第一次發現佢隻勁單既眼皮竟然變左雙，第一時間當然拍片，可能可一不可再架麻 :P
查實 mama & dad dad 細個都係單眼皮架，Josie & Max 加油呀，可能有一日你地兩個都會變埋雙眼皮架!
P.S. 短片已上載 facebook page.
2014-12-11 boots & bag@Online Shopping
朝早收完淘寶一大件貨，夜晚再收到 mizzue Online Shopping 既一對 Boot 同埋一個手袋，兩件都好鍾意呀~
2014年12月17日 星期三
2014-12-11 淘寶@long time no buy~
距離上一次落單，差唔多成年啦，其實想淘好耐，但忙忙忙左好一段時間，真係唔得閒淘。
今次唔俾自己睇咁耐，迫自己勁快落單，用一日時間將要落既單落晒，速戰速決!
( 11單, 共12kg )
2014年12月16日 星期二
2014年12月15日 星期一
2014年12月14日 星期日
2014年12月13日 星期六
2014年12月12日 星期五
2014-12-07 strong girl Josie 講故事
平時我成日鼓勵 Josie 多食菜，成日話佢知食菜會長高，可以做 mama 既好幫手，幫手開燈開門(其實佢最想可以夠高睇大門既防盜眼)等等……
有時同 Josie 去超市，買完野佢想幫手攞，我會話太重唔使佢幫，佢就會話自己係 strong girl, 因為佢食左好多菜。
今日佢自己話要講故事俾 Max 聽，仲破天荒話俾 Max 坐佢大脾，查實佢兩個既體重應該只相差幾磅，正當我猶豫之際, Josie又同我講佢食左好多菜，夠力 :P
2014年12月11日 星期四
2014年12月10日 星期三
2014年12月9日 星期二
2014年12月8日 星期一
2014-12-02 trouble 2?!
一日到黑成日想 Max 快d兩歲，覺得大個D會好湊D, 終於等到左…… 點之唔醒起同樣地要面對 trouble2 >.<
今日佢發晒顛唔肯坐 BB 車，又唔肯著褸，出面勁大風又凍，喊都要著架啦，結果由出門口、搭(車立)、去到學校排隊、接完 Josie、直至返到屋企，全程喪喊，勁發脾氣，難攪程度係10!
2014年12月7日 星期日
2014-12-01 漫長的14小時
今日 dad dad 放工直接去踢波, mama 全日一個獨力湊兩個，好漫長既一日。
平時接放學左手拖 Josie, 右手推 BB 車已經夠辛苦，今日仲要遇著落雨，非常麻煩，冇手揸遮，只可以出動雨檔同埋雨褸。
如果落大雨既話就別無他選，只能夠等停雨。
…
晚飯時間，Max 一如以往唔使 15分鐘食晒全碗飯，可以落地去玩車仔，而 Josie 一直在發傻，今次索性唔理佢，連鬧都唔鬧，帶 Max 去沖涼。
2014年12月6日 星期六
2014年12月5日 星期五
2014年12月4日 星期四
訂閱：
文章 (Atom)