唔知點解幫襯過一次之後，行過附近就自自然然好想入去再幫襯。呢間麵檔門面簡陋，但無論乜野時間去都總係座無虛席，可能好多人好似我咁，食慣左有癮
( 我次次都食丸肚河，其他人就多數食牛腩同埋牛鞭 )
2010年7月9日 星期五
2010年7月8日 星期四
2010-06-23 第一次o係睡房開餐
近來幾乎晚晚睇世界盃，今晚睇緊加納VS德國既時候好肚餓，於是中場休息時老公揸車出去買麥記。
平時10點o個埸會o係廳用大電視睇，0230先入房o係床上面睇，因為睇到眼訓可以即訓。
就係因為駁左電腦到房部TV，所以費事又要重新出廳 set up 一輪，於是我地第一次o係睡房開餐。
( 超唔健康既生活呀，不過四年一次o者
2010年7月7日 星期三
2010-06-22 鮑魚宵夜
今日奶奶專程入黎屯門，於是我地就一齊食tea，然後再陪佢買下野。
後來佢入左街市買餸我就冇陪到佢，因為街市係我最憎去既地方，十萬個唔願意入去。
點之奶奶買左D鮑魚俾我，佢話已經起左殼，仲教埋我地點樣整，叫我番屋企就即刻整黎食，不過…..老公趕住出去踢波，結果都係掉左入雪櫃。
老公今晚要去斧山道踢波，做就左一個機會俾我去探住o係附近既阿清，好開心呀，我地可以傾餐飽，最後等老公踢完波再上去接番我。
夜晚番到屋企，即時記掛住雪櫃既鮑魚，用牙擦洗乾淨，煲滾一煲水熄火，再掉D鮑魚落去，7分鐘之後上碟，食得！
( 原來就咁點豉油&麻油已經好香好好味，yummy~~~ 
2010年7月6日 星期二
2010年7月5日 星期一
訂閱：
文章 (Atom)