2009-03-21 《得閒飲茶 I’ll Call You》

早前星期日檔案, 有一個特輯《港女·講男》、《港男·講女》

「港女本來是大眾傳媒用來形容香港女性的簡稱, 但近年在網上開始流行, 將"港女"來形容集中了某些特質的香港女性, 無論在網絡, 抑或現實生活, 亦開展了一場港男港女大罵戰. 」

我覺得這個特輯好寫實, 當中當然有一些我不認同的觀點, 看後我也反覆地想, 我也是 “港女”嗎?! 某程度上我是!....

「追求物質」, 我認我係, 但如果係我自己負擔得到, why not?! 我又唔係要人買俾我既!

「不溫柔」, 我都認, 因為老公成日投訴, 我已經好努力改緊!

「不懂入廚, 不做家務」, 我只認一半, 我真係超唔識, 同埋超冇興趣煮野食, 但我勁鍾意做家務, 開洗衣機、曬衫、吸塵、洗廁所、執屋係我經常做同埋好鍾意做既.

「扒兩啖飯就話飽」, 我絕對唔係, 唔食番一大碗飯我會 ’軟奶奶’ 同埋冇力.

片中提及六師弟執導的《得閒飲茶》, 於是我同老公就買左隻
VCD 番黎睇, 劇情真係幾寫實, 有些笑位都OK 好笑.