2011-02-03 極疲累的年初一

才生了 Josie 第五天，身體仍然很累，加上初生BB食人奶食得很密，我真的超級辛苦。沒想過奶奶邀請了十幾個親戚來，真的累上加累

晚上，更加發生了兩件很不開心的事…..

1) 奶奶顧住整十幾人晚飯大餐，到9點幾先開飯(餓到我顛!)，坐埋位先發覺一枱食物，但我可以吃既只有一碟西蘭花，原來奶奶忘記左我o個份!!! 結果臨急臨忙再蒸番一碟舊餸俾我(餓住又再等)，o個一刻我其實超想喊，心諗奶奶明明係黎陪月既，乜我既飯餸唔係一早準備好架咩?! 奶奶似乎唔記得自己係黎陪月，而只係當過新年

2) 人多令一把年紀既 CoCo 好驚，相信佢想搵地方躲起來，加上有人唔知開左我地個露台門，CoCo 走左，好彩即時發現，老公好驚險地爬出去人地既玻璃屋上面抱番 CoCo 番黎。

唉～ 連續三年既大年初一都好唔開心，睇黎我將會有大年初一恐懼症!

( 奶奶買俾 Josie 既大大件新年衫，應該下年都o岩著 ) 

( 相信 Josie 今日同我一樣咁累，除左俾好多個人輪住咁抱，仲影左好多相 ) 

( 出院後作戰了兩天已十分疲累的新手爸爸媽媽
) 

待續…