工人黎左半年，touch wood屋企冇任何電器壞過，直至而家佢只係唔小心打爛左一隻匙羹，比預期中好好多…… 點之今晚佢終於唔小心將唔steam得既牙膠放左入steamer!!!
一早知道呢個 Pigeon 牙膠裏面係純水，就算Josie唔小心咬爛都唔使太擔心，但而家佢 steam 到變晒形，勁驚釋放左有害物質出黎，安全起見老公話成個 steamer 同埋裏面 steam 既所有野都要掉!!!
超灰，個 steamer 一日到黑都要用，D奶樽又係，仲有D美國訂既奶泵配件，一時間怕唔容易買得番齊
之後我不停上網 check，睇下有冇人試過發生呢樣野，想知D野係咪真係唔要得，結果係有人照用，有人換晒，咁點好呢?!
P.S. 最後第朝一瞓醒，即時打去 Avent 問，佢就叫我問番牙膠既工司睇下個牙膠係咪BPA free, 之後打去Pigeon, 問完再問肯定左個牙膠係BPA free, 同埋唔會釋放有害物質，所以呢件事只係報銷左個十幾蚊既牙膠，安心晒，好彩!!!
沒有留言:
張貼留言