2012-01-22 第一次食橙

( Josie 第一次食橙 )

( 因為橙容易敏感所以最好一歲先食，我見 Josie 仲有一個星期都一歲啦，唔使計得咁足掛^^ )

( 佢好鍾意食橙呀! )

( 明明月頭食左個20人齊人團年飯，不過99話照食多次，唔係團年都可以食飯喎～)

2012-01-22 一年一度消防發財盃

Daddy踢完發財盃，俾個奬牌Josie, 佢又第一時間擺落口咬，我諗佢會寧願係食得既朱古力金幣^^

( Ka Wai 哥哥預早送俾
Josie 既生日禮物，好可愛呀～ ) 

2012-01-21 新工人第一次獨自湊Josie

新工人上任第4日，暫時感受最大的分別係抺地方面........ 千幾呎既屋，舊工人可以只用一桶水，搓一次布極速抺晒(正確黎講係high一high, 因為根本冇出過力抺); 新工人只係一個客廳，抺完一個角落，會搓下塊布，再抺另一個角落，見到水污漕既話，會再開過另一桶抺第間房。

除左抺地方面，洗奶樽洗玩具都洗得極仔細。除左英文冇舊工人咁好之外，其餘野都好過舊o個個多多聲。一個吹水唔抺嘴，講野多過做野; 一個靜靜地默默地做，絕對係刻苦實幹型。

一個由朝到晚都做唔好D野，成4-5日先買一次餸，攪到我地成日冇新鮮野食; 一個將一屋清潔得妥妥當當唔使我粗心，做完有時間剩話出去買餸。

一個一日到黑要我寫紙仔，提佢做呢樣做o個樣，唔寫就借D二唔做；一個全程自動波攪掂晒。

一個我足足觀察半年先夠膽出街放手俾 Josie 佢照顧，一個到步4日我已偷雞出左街做 facial. 怪唔得用左佢4年既前僱主咁唔捨得佢，如果唔係佢要返去結婚生仔，今日都唔會落入我手中，新工人真係我既新年大禮物，希望以後都 KEEP住咁好。

( 近日 Josie 見我地將手指放入手偶，佢又有樣學樣^^
) 

2012-01-20 團年飯@PoPo home

今日兩個baby都比較扭計，但係兩個媽咪都唔理佢地，因為我地都覺得佢地兩個都已經o係BB床好安全，冇生命危險，由得佢喊下，點之太婆同埋婆婆聽見 Josie 同埋 Ivan 既喊聲都覺得好肉赤，要抱抱佢地，仲覺得我地好唔理佢地添 :P

2012-01-19 愛心冷衫by明明姨

明明姨話佢已經20幾年冇織冷衫，證明佢功力好勁，一D都冇生疏到。

顏色、款式都非常鍾意，多謝晒～

2012-01-19 Josie農曆一歲

2012-01-18 三歲定八十?!

近日見識到 Josie 超臭超扭既一面，真係好擔心呢個就係佢既真性格。正所謂3歲定80，我要好好把握餘下既2年零半個月，一定要教好你!!! wish me luck!!!

( 扭計之餘，仲要食唔好、瞓唔好，定係因為食唔好、瞓唔好而扭計呢?! 呢排真係湊得好辛苦 ) 

( Josie 真係超唔鍾意食粥，餐餐都食得好差，明顯輕磅左 >.< ) 

2012-01-17 新工人到達之世界真細小

接左新工人，知道佢o係香港做過野，細問之下原來佢上個僱主係同行，都係住消防宿舍，慳番唔使教佢熨制服，good!

咁o岩得咁橋，原來老公都識識地呢位消防同事，於是老公即時打電話去收風，佢對我個新工人有讚冇彈，唔偷野唔講大話唔會黑面，係一個低調同全自動波做野既工人。當初佢辭職係因為要返去印尼結婚生仔。

試過俾佢o係play area 同Josie 妹獨處，我見Josie 都幾開心。我真係開心到暈左!!!

自己o係宿舍數街磚就數到 1600呎，之前有擔心過工人會吃力，點之前僱主個宿舍係二千幾呎，所以佢做慣大屋，可能我地屋企對佢黎講濕濕碎；另外我地只係有駕車要洗，但佢唔止洗開車，仲要幫前僱主洗遊艇!

2012-01-15 老公發揮小宇宙

倒數2日，新工人就會到，頂住呀!!!

過去5天的非人生活雖辛苦(Josie好扭計，勁黐身兼臭脾氣)，但都比預期中好，特別鳴謝老公連日來發揮小宇宙，令屋企大置運作如常，更將原定每日食外賣，變成餐餐煮飯，仲有湯飲，謝謝，我地繼續努力啦!

2012-01-14 加料魚湯粥底

為左令 Josie 有更好既營養，近來開始唔再齋用水黎煲粥，而係用蕃茄、薯仔、大眼雞煲湯，隔渣儲起三次既份量，每日用一盒黎煲粥。

2012-01-13 Josie 自己搣飽食

同婆婆飲茶，婆婆一啖一啖搣飽飽俾Josie食，佢等得唔耐煩，索性自己搣。

2012-01-13 十一個半月 Josie 第一次搭公共交通工具^^

過去11個半月，帶親 Josie 出街都一定揸車，所以佢一直都未坐過公共交通工具。

今日因為去佐敦同公公婆婆飲茶，見近近地，o個頭又難泊車，所以決定搭地鐵。

( Josie 對於身邊既一切都好好奇呀! ) 

2012-01-12 婆婆幫手@沒有工人的日子

送走左舊工人，但新工人未到，呢段時間老公o係屋企既時候都仲OK，佢一返工我就要一個人睇足超過24小時，又要泵奶、又要洗＆烚奶泵、奶樽，真係好吃力，因為一日要重覆好多次。

加上 Josie 呢排極黐身，真係去個廁所既時間都冇，好 crazy!

最終搵左婆婆o係老公要返工既日子黎幫下手，等我可以抖抖氣，thanks so much!

( 一個人既時候有時要出動揹帶先至可以做到野 ) 

2012-01-11 百寶齋廚

老公一家人黎左探 Josie, 夜晚近近地一齊落街食齋，都幾好味。

2012-01-10 玩具反斗城VS超市

分別逛完Toysrus同埋Wellcome，發現Josie逛超市興奮過睇玩具好多。

2012-01-10 開餐@沒有工人的日子

( 八番拉麵、金澤拉麵、天婦羅烏賊飯、日式煎餃子、豆乳布甸
) 

( 八番@MegaBox )

2012-01-09 食粥仔食到瞓著左

P.S.今日好開心，我同Josie 講左句'kiss mommy', 佢咀對咀kiss左我四啖，sweet 死我啦!