2012-09-24 Josie 又要食返藥

7月30日覆診時，進展得不錯，醫生再一次幫 Josie 停藥，一個月後覆診。

期間我地都覺得耳邊血管瘤又紅返少少，同埋腫返少少。

9月3日再覆診時竟然由 Josie 兩個月已睇開既醫生冇返，變左另一個醫生，佢竟然問我地 「咁你覺得要唔要食返藥呀?!」

心諗：「唔係呀嘛?! 你係醫生喎，點解講到好似我鍾意食就食，唔鍾意就唔食咁樣，咁兒戲架咩?!」

最終我地冇答佢，叫佢幫我地再約過下一個覆診期，睇番一直跟進開既醫生再算。

直至今日覆診，醫生認為要再次食返藥，不幸地 Josie 唔係大多數只需要食到歲半就唔使再食既小朋友，唯有繼續觀望，兩個月後再覆診。