2013-01-03 半日假

頂左兩個月，不停地照顧 Josie & Max 好辛苦、好忙。

每朝餵完早奶之後，就出廳陪 Josie 玩，玩到 Max 喊又再餵；餵完就陪 Josie 瞓晏覺，喺 Josie 房出返黎就即刻餵 Max.

到左夜晚又係餵完 Max 即刻暗 Josie 瞓，暗完 Josie 又餵 Max, 因為日間 Max 仲係兩個鐘一餐 =.=

每日刷牙、洗面、去洗手間、沖涼、食飯、飲湯，全部都係攝時間去做，真係忙到透唔過氣。

早排搬屋忙既時間，唔得閒陪 Josie，成日都係俾佢睇光碟又或者工人陪瞓陪玩，結果嗰排佢勁黐工人，呢樣我地好唔想，所以盡量想多D自己照顧番。

今日趁老公喺屋企，我同佢講我要請半日假，除左 Max 肚餓嗰時攞俾我餵之外，其餘既時間我乜都唔理，自己喺房休息同埋 hea 下，感覺良好^^