2013-05-03 Max半歲大啦～

每日忙忙忙，唔覺唔覺咁就半歲大啦～

五個月既時候 Max 學識反身，比 Josie 家姐慢半個月，但佢靈活d, 話轉就轉，唔似得家姐仔四個月時已好努擺來擺去每次都差少少。

mama dad dad 覺得係因為細佬個頭仔細過家姐個加大碼頭，所以轉身輕易好多。

另外地板時間同練習坐既時間好唔夠，因為成日要就住，怕被家姐整親。

家姐好細個就開始睇 your baby can read, 所以英文都算上手得好快，Max 仲未可以好有規律咁日日睇，好影響學習。

No.2 真係好唔抵，照顧既時間俾 No.1 分薄晒，mama 因此而唔開心過，但好無奈，只能提醒自己要多些照顧番細佬。

至於作息方面，Max 係有改善過，夜晚瞓既時間係長左，但依然未戒到夜奶，mama 非常非常辛苦，已經三年未瞓過一個長覺，永遠都係斷斷續續咁瞓，睡眠質素極差，三年抱兩之苦!

同其他全埋身既 mama 傾過，大家都覺得因為冇泵奶冇用奶樽，佢地慣性埋身啜係比較難戒夜奶，又另一個無奈 =.=

( 我碌... )  

( ...... 我碌......  )

( ......我碌碌碌!!! ) 

( Josie @27 months, Max@6 months )

( Josie kisses Max )

( Max:「我唔使你幫我洗頭，唔該你唔好攪我D頭髮啦!」 )