兩個月前醫生安排左見港大醫學院兒科學系教授，教授建議做超聲波檢查，睇睇耳邊血管瘤情況，有結果才研究下一步點做，究竟有冇需要用激光去除餘下既紅色印等等。
上個月帶 Josie 做左超聲波，今日覆診兼睇報告，好唔開心知道耳邊血管仍有血流動，醫生建議食返藥，就係咁停左藥半年，最終都係要再食番，仲未可以斷尾。
跟大部份有血管瘤既小朋友不一樣，Josie 似乎仍要較長既時間去治療，只能耐心等待。
其實 dad dad mama 日日對住 Josie，對於佢耳仔一撻紅色根本唔在意，而且睇慣左，但出街既時候其他小朋友會指住 Josie 耳仔問：「點解呢度咁既?」，其實唔止小朋友，大人都會問。我地比較擔心既係下個月返學了，怕對佢社交或者認知發展會有影響，當佢識性既時候又會唔會唔喜歡自己耳仔呢撻野呢?!
一切都係估估下，希望只係我諗多左啦～
暫時教左 Josie 如果有人問關於佢耳仔既野，就話俾人地知係 birthmark, 另開學前再會同老師交待清楚 d
( 2013-07-11. 做超聲波檢查既時候 Josie 好乖，冇驚驚。之後喺屋企玩 doctor game 既時候仲要攞埋部玩具電腦出黎扮醫生襟襟襟 )
Josie 樂天性格,小朋友会好鐘意同佢玩。其實肥妹遺傳左爸爸有慢性風疹,去親人多的波波池和玩具室就会起風賴,我自己有時都驚其他家長小孩会奇視,唉!做父母的,真的不堅強不行
回覆刪除[版主回覆08/30/2013 17:34:19]咁係咪好快會退，又或者大個左自己唔會再出？