2013-08-11 lovely Max VS naughty Josie

自 Max 出世開始，朋友間唔中問錫邊個多d, 每次我都好肯定咁答 Josie.

之後我好擔心，我會唔會永遠都錫晒 Josie 一個架…… 近月我終於突然覺得 Max 好可愛、好攪笑、好得人鍾意，可能因為佢大個左，反應多左、互動多左。

自己生既冇理由會唔鍾意既，唔使再擔心啦～

又唔知係咪因為愛錫多左 Max, 而令 Josie 感覺到 dad dad mama 分薄左佢既愛呢?! 佢近期又變番醋酲，同埋多左好多情緒失控既時候，非常難攪。

( 有人晏晝唔肯瞓覺，結果游完水之後冇晒電，晚飯時間含住啖飯瞓左半個鐘! )

( 醒左之後發左一輪顛，唔瞓晏覺既小朋友真係好難攪…… 伯伯買左雪糕俾佢食，但其實我十萬個唔願意俾佢食，因為太扭計，但又唔想掃伯伯興，俾你一次咁多，下次再曳，唔可以食雪糕! )

( cheers~ )