2013-11-10 Josie@Kowloon Park

去完國金軒食 lunch, 近近地去九龍公園行下玩下，公園真係好大好多野玩， very good!

伯伯專程黎同 Josie 玩，Josie 冇瞓晏覺都有電玩好耐，今日真係好盡興。

2013-11-10 朋友飯局@國金軒

今日 dad dad 約左舊同學同埋老師食 lunch, 工人放假，我地一人湊一個，佢帶 Josie 出去，我就留喺屋企湊 Max.

太耐冇見傾計傾好耐，Josie 全程都坐喺 high chair 一齊食野，完全冇扭過計，人地問佢野佢又好願意答，今日表現實在出奇地好。

唔熟 Josie 既人，真係會以為佢好叻、好乖、好醒目，真係呃晒, wakaka……

既然今次咁好表演(唔通因為冇帶Max?!)，之後真係要多 D 帶 Josie 出去飯聚下^^

  

2013-11-09 Josie@play area

又係用「去公園」呢招黎利誘 Josie 去上課餘班，又要俾錢，又要氹，仲要星期六都要早起身帶出帶入，同我當初報班既期望相距好遠 =.=

2013-11-08 婆婆表哥接放學

今日婆婆同公公黎深井同 Josie 飲茶，姨媽同埋 Ivan 表哥都黎埋，飲到放學時間一齊去接 Josie 放學, surprise~~~

2013-11-07 Josie@indoor & outdoor play area

瞓醒晏覺，帶 Josie 去公園玩，玩到咁上下，佢竟然話要去埋室內嗰個遊樂場，一次玩晒兩個場真係夠晒開心^^

2013-11-07 Christmas is coming@Starbucks

( Brie & Ham Croissant + Toffee Nut Latte )

2013-11-07 再見CoCo

最後一次拖著你的小手，再見Co Co, RIP!

2013-11-06 shopping@AEON

2013-11-04 Josie’s winter uniform

2013-11-03 Max’s 1 yr old birthday

過去一年真係超級忙碌，好唔容易而家 Max 一歲大，Josie 兩歲九個月，相信日子會一天比一天好。

今日只係簡簡單單訂左個生日蛋糕，兩家人一齊慶祝。

祝願 Max 身體健康、食得瞓得、脾氣唔好咁臭，開開心心。

2013-11-02 輕鬆的幼稚園面試

沒有事前的特別訓練，而學校方面也非常 relax, 只係玩玩具，跟老師閒聊。

學校申請表上也沒要求填寫父母職業，感覺上就只是 focus 在小朋友身上，今時今日來說實在難得。

2013-11-02 CoCo(1994-2013)

1994 年還只不過是唸 F.2 的我，和爸爸把你買回來，從此你跟旺旺形影不離，我們一家也因為可愛的你們而愛上貓，很愛，很愛。

還記得當初

2013-11-01 家長講故事

上星期 Josie 既老師邀請我到學校講故事，但 dad dad「技癢」了，今日由佢代講。

小學生我地對得多，對住咁多豆丁真係第一次。

平時成日聽 Josie 提及同學既名，今日可以八卦下佢地係邊個，好開心可以走入校園，了解更多 Josie 既校園生活。

2013-10-31 Halloween decoration

雖然只係好平既 jelly sticker 同埋南瓜袍, 但上年用完之後 keep 起左，今日又拎番出黎玩一陣，親子拼貼一輪，再影下相，咁又當慶祝左萬聖節啦:P

2013-10-30 難得的相親相愛

由 Max 出世開始，Josie 既呷醋程度是我們始料不及的，也沒想過她真的對細佬非常粗魯，實在講不上愛鍚細佬。

經過一年以來既「催眠」和「薰陶」，最近有點改變，終於對細佬友善少少。

所謂既「催眠」和「薰陶」，就係:

2013-10-30 給自己的警醒

昨天的這個時間，接送 Joise 返學之後，選擇去 Starbucks 整理照片寫blog, 輕鬆一個上午。

可惜，沒多久，一個年輕媽媽帶著一個小男孩來了。

2013-10-29 提子乾香蕉麵包布甸

今日跟書整下午茶俾 Josie 食，成份全都係佢鍾意既野，所以呢每製成品佢好鍾意，全部食晒。

2013-10-29 三文魚西蘭花ABC粉

半歲開始俾 Max 食固體食物，由米糊到粥仔都食左好幾個月，雖然仲只係得兩隻牙仔，都試下俾佢食下其他野。

2013-10-28 百物騰貴

自 Josie 出世開始，屋企定期要買大量棉花，但呢樣野不斷地加價，由當初1kg 賣$60，到之後$69…$75… , 而家竟然係 $86, 心裏面每次都會鬧住咁講：「痴線架，又加！棉花渣喎，使唔使咁貴呀?!」，但依然局住繼續買。

當棉花都咁貴既時候，其他野更加唔使講，又唔見得老公份糧狂加 =.=

( 使錢真係可以好容易@護協，咁就$800 >.< )

2013-10-27 silly Max

傻豬 Max 見到 mama 笑得好開心，於是不斷重複呢個玩意^^

2013-10-26 play area x2

幫 Josie 報左學校既課餘興趣班(Physical exercise in Music), 志在俾佢郁動下，點之佢非常唔鍾意上。

為左唔想浪費左千幾蚊，mama 好鼓勵 Josie 每個星期六出席，可惜佢每次都講 "I don’t want to go to exercise" .

2013-10-25 shopping for Josie

剪完頭髮無意中睇下衫，又難得同埋 Josie 一齊可以即時 fitting, 咁又買左三件。

Josie & Max 真幸福，因為 mama 而家出街買野九成都係買俾佢地，已經好少買野俾自己。

2013-10-25 Josie@hair cut

放學返屋企食lunch、沖涼，諗住整 Josie 瞓晏覺之後再帶 CoCo 睇獸醫，但衰妹唔肯瞓，怕工人一個睇唔到兩個，於是帶埋佢出去陪 CoCo 睇醫生，然後直接去剪頭髮，唔使再返屋企接佢。

習慣要瞓晏覺既 Josie, 剪剪下瞓著左，要媽媽扶住佢個頭 :P

2013-10-25 Co Co is weak =.=

近幾日 Co Co 開始唔多郁，又唔多食野，帶左佢去俾獸醫睇睇。

醫生檢查過後認為佢只係身體機能自然老化，開左開胃藥同埋俾左高營養既罐頭佢。

( CoCo 已經唔會自動自覺去食野，唯有 forcefeed 食物同埋水俾佢 )

2013-10-25 Pumpkin Josie@Fancy Cartoon Character Day

送返學見到Woody, Buzz Light Year, Superman, Minnie...南瓜唔係乜野卡通人物，不過 Josie 都好開心^^

2013-10-24《Mr. Men & Little Miss》DVD boxset x2

好細個既時候 Josie 已經有睇開 Mr. Men & Little Miss 既圖書，DVD都睇過下，但當時係朋友借俾我地睇既。

( 而家跟學校買，每盒 4隻 DVD，每隻 13 集，夾夾埋埋104集，都只係$200 )

2013-10-23 《Lenka+G.E.M+Yoga Lin》

好耐冇買碟，屋企既歌開始聽到悶悶地，難得去開旺角，一次過買三隻。

2013-10-23 Max@indoor play area

今日 Max 發現新野玩，係滑梯底倒轉爬上去，跟住又瀡返落黎，不斷重覆玩，樂在其中。

2013-10-22 回氣時間@Starbucks

今日送完 Josie 返學，去左 Starbucks 唞唞，雖然好 hea, 但呢短短兩個多鐘頭，真係我好寶貴既回氣時間。

Relax 過後，又去接返 Josie 放學，回家再作戰。

2013-10-21 氣管敏感?!

Josie 兩個星期前病過，燒退了、鼻水收了，但仍然有咳，擔心如上次醫生講既氣管敏感，好怕手尾長。

最終都係去返元朗搵睇開既醫生，好彩醫生認為佢唔係氣管敏感，而係支原體感染。

開學之後，睇醫生真係睇到窮，祝願一家身體健康，疾病遠離。

另外要祝埋同學仔、同埋佢既家人都身體健康，唔好再你傳我、我傳你，真係沒完沒了=.=

( 睇見佢成日夜晚咳醒，真係好陰公，希望今次隻抗生素一激即中啦，快D好返呀! )

2013-10-20 老爺70大壽

2013-10-19 懷疑哽親

自從尋晚食過蘋果之後，Max 就開始咳，聽到佢好似好想咳野出黎，好擔心佢係有野卡喺喉嚨，成晚一聽到聲就撲埋 BB 床睇佢，怕佢會呼吸唔到。

今日都係帶佢去俾醫生睇睇，好彩醫生話佢唔似係哽親。

好可能係家姐傳染咳咳俾佢，雖然醫生都開定藥，有需要先食。結果我一連好幾日俾 Max 食余仁生猴棗散，總算好返，全部西藥冇食過。

2013-10-19 Joise@Olive Café

去完圖書館之後，一齊食lunch，出街食果然開胃d^^

2013-10-19 library time

今次一齊去還書再借書，又可以俾 Josie 坐低睇圖書，學習安靜閱讀、看完圖書要放好、幫手自助借圖書。

2013-10-18 My Very First ABC Book set

學校派既單張，見平平地只係 $100, 就有 A-Z 26本書、一隻CD、100張紙卡，即買!

今日收到貨，唔錯，Josie 當然又係好鍾意啦～

2013-10-17 抵到爛拼字玩具

一盒玩具，A-Z 字母兩套共52個，有圖雙面字卡60張，盛惠人民幣 12.8 元@淘寶，最緊要係 Josie 鍾意玩。

2013-10-16 silly Max

一個透明玩具盒都可以玩得好開心，童真可貴～

2013-10-14 brushing teeth together

懶 friend 搭住膊頭一齊刷牙 ^^