2014-03-26 犯賤 :P

今日有D私人事喺 lunch hour 黎到中環既鬧市，見到勁多返工人士怱忙地趕去食lunch, 嗰一刻我竟然希望自己係佢地既一份子。

好明顯我只不過係太耐冇返工，完全唔係過緊一般打工仔既生活，一下間竟然寧願自己可以放低屋企既事，過朝九晚五既生活。

全職媽媽真係一份全年無休既工，令人喘不過氣，我諗我只不過係想唞唞氣，未至於想過另一種繁忙既生活。

期待能夠請到好工人，幫忙睇住屋企嗰兩件豆丁，等我閒時可以做下 part-time, 賺外快之餘，都可以俾自己 balance 一下。