行雷勁閃電，關窗既時候飛左粒冰入屋，隨後聽到唔尋常既聲音打落窗既玻璃，原來深井落雹。
今日係星期日，但撞啱老公今日duty watch, 24小時standby, 黃昏收到call要出去做case. 做到8點幾我見咁大雨，話車佢返黎。
出車一陣就聽到收音機話黑雨，天氣極度惡劣，馬路水浸、街燈壞左、紅綠燈都冇埋，欄杆、雜物喺馬路上飄浮。
見到兩架小巴浸左死埋火，我泊埋一邊唔敢行，成街既車唔見晒，再之後有其他車跟我一樣打死火燈停晒，最終有架客貨VAN抽頭駛過去，見佢冇事之後我都膽粗粗從兩架小巴之間繞路出去。
行左一段路又有其他車浸左，塞死晒，嗰一刻真係驚自己都會浸埋等人救。
最後終於成功去到荃灣地鐵站接老公，見到老公既一刻講左好多好多次「我好驚呀！」，牌齡十三年多，第一次揸車揸到咁驚，比N年前揸棍波上斜塞車更驚！
( 接左老公之後由佢揸返屋企，不過勁塞車，荃灣揸返深井竟然用左一個鐘頭三個字! )
沒有留言:
張貼留言