今日其實真係好攰，特別係小朋友病既時候，照顧起上黎特別累。
適逢老公夜晚有波踢，仲要係一班好多好多年冇見既朋友，知道佢期待左好耐，所以自己頂硬上，支持佢出去踢波聚舊，輕鬆一下。
安頓好 Josie 入房瞓之後，我就去左 Max 房準備餵佢，連衫到拿起埋既時候， Josie 開門入黎話要 poo poo!
平時已教左佢如果 mama 餵 Max, 暗 Max 瞓覺既時候，
唔可以開門入黎，不過今次佢腸胃炎，冇辦法一定要幫左佢先。
結果放返 Max 落BB床，陪 Josie 去 toilet poo poo, 而 Max 就喊到拆天! 都非常理解既，差唔多食到埋嘴邊竟然俾人掉返落床 :P
幫完 Josie 之後，再一次送返佢入房，然後去餵 Max 暗瞓。
暗完一個又睇另一個，以為自己可以停落黎唞唞，點之兩個交替咁醒，如是者進進出出兩間房，最終晚上十點半終於兩個都熟睡了。
朝8晚10半無休止地忙，總算完成我今日既任務啦! 自覺自己今日好勁，哈哈!
沒有留言:
張貼留言