婚前我地可以好自由、好輕鬆咁去旅行。
婚後未生小朋友既時候真係好 free, 話去就去……
- 2008年結完婚冇即時度蜜月，只係等多一個月趁生日既時候去左澳門威尼斯人兩日一夜。
- 又再多三個月到老公生日先去馬爾代夫度蜜月
- 事隔唔夠一個月掉低老公，自己去左英國同法國
- 唞左半年，兩公婆喺炎熱既7月去左首爾
- 聖誕再去泰國 hea 住避冷
就係咁婚後 happy 左年幾，我地終於計劃生BB, 於是最後一擊去遠d──澳洲。
幸運既我地，想生就生，2個月左右就有左，如我地所料生完真係忙到死，出一日街都嫌執大袋細袋好麻煩，諗都冇諗過去旅行。
Josie 一歲既時候終於覺得日子輕鬆左，突然又有左! 陀B對我黎講真係一件好痛好辛苦既事，雖然都想四圍去下，但行路都成問題，唔使旨意去旅行。
就係咁眨下眼陀Bx2, 直至而家 Max 1歲9個多月，終於終於行得郁啦!
4年半有多，終於可以出城啦～
第一次帶小朋友出門，唔敢去得遠，澳門兩日一夜係最簡單方便既嘗試吧! 出發!!!
事隔六年再黎澳門，同樣係慶祝生日，兩個人有兩個人既自在，多左兩隻馬騮又另一種溫馨。
過去沒有工人既 crazy 日子真係好難過，婆婆幫左好大好大既忙，所以好想趁我倆一齊生日既日子去玩玩，一齊慶祝。
( 到達上環港澳碼頭 )
( 出發前上網搵船飛，意外發現有生日優惠 )
( 同行出發既都有優惠，每人慳左百幾蚊^^ )
( 又大又細時間好難預計，所以即場買船飛，費事網上訂左飛遲到就弊 )
( 全程船都算穩定，唔會好拋，Josie & Max 都冇任何不適 )
( 帶住小朋友，留意下逃生位置以防萬一 )
( 旅程中既第一張自拍大合照 : ) )
( 落船之後，就即時上旅遊巴直接去酒店 )
沒有留言:
張貼留言