放學既時候 Josie 見到同座既同學仔超級興奮，想一齊拖手同埋跑返屋企。
佢太想同同學一齊，連落扶手梯同過馬路都想甩開 mama 隻手，非常危險，情急之下 mama 將 Josie 抱起，佢不斷大喊狂叫、掙扎，帶到安全地方之後，mama 想佢先冷靜，但佢依然好失控。
好唔容易冷靜左少少，終於帶到家門，但擾釀好耐都入唔到屋, mama 又一手抱佢入屋，有咩關埋大門再解決，費事嘈到全層既住客。
點之 Josie 極大反應，要已經除左鞋既 mama 著番鞋出返門口先一齊再入屋，我堅持唔做，要佢冷靜先，佢崩崩跳跳、歇斯底裡，仍然情緒激動。
攬佢、箍緊佢冷靜一陣又顛過，喊住話急 wee wee, 想即時帶佢去 toilet, 但佢都仍然係發顛失控，結果校服、襪、鞋、地下、mama既衫、褲，都係 Josie 既尿。
第一時間幫佢除鞋再除襪，佢再一次激動地話佢自己識做，想將濕晒係尿既襪再著番先由佢自己除，我實在無法忍受…… 如是者乜都顛一餐之後，終於可以送到佢去沖涼。
搏鬥一個鐘之後，午餐都已經凍左，mama 雙臂無力、發抖，連拿筷子都手震，真的累極了。
其實有時失控係因為眼瞓，將平時講既、教既完全拋諸腦後，但睡醒一覺佢可以判若兩人，平心靜氣傾番之前自己有咩做得唔好，承諾之後會點點點做。
明白失控梗會有，但唔好下下都去到 Level 10 咁盡好冇?!
mama 都差點失控了 >.<
( 失控過後，一邊食午飯，一邊瞌眼瞓 Zzz…Zzz…
其實 mama
唔介意你因為眼瞓唔食一餐半餐，唔想同你有無謂既搏鬥 )
沒有留言:
張貼留言