是日心情唔多好，一家大細去到海港城，見到仲有聖誕裝飾，排隊影是常識吧!
某國家既人似乎冇呢個常識既，想影就唔理3721攝埋黎 =.=
另外，排到 Josie 同 snowman 影相，佢手拖 snowman 左手影相，但唔知邊度又衝一個強國人出黎捉住 snowman 既右手影，大佬我唔想同你合照喎!
晚飯時間搵左一間裝修幾靚、格調舒適既法國餐廳，我地只係 order 左三道菜，竟然食剩好多，仲打包兩味走。
究竟係食物唔好味?! 定被包圍我地既兩枱強國食客影響心情?!
一枱就係個媽媽咳唔蓋口鼻，佢識得唔向自己嗰枱咳，但擰轉頭向我嗰枱咳! 又過一陣，到佢個囡落左地玩，又係唔蓋口鼻向住我地咳，我真係好介意呀!
好一間法國餐廳，已經播住好有情調既音樂，做乜仲要開住 iPhone 個 speaker 播國語歌呢?! 知你用緊 iPhone6 啦, Ok?!!! ( 利申：我平日都好鍾意聽國語歌 )
當下我同老公講D香港人去晒邊呀?! 點解我身為香港人出現喺香港，但竟然成為少數人，咁我仲留喺度做咩?!
唉～我錯! TST老早已不屬於我們的。
( 炭燒牛肉片配黑胡椒三文治 )
( 蕃茄蒜香銀魚柳意大利粉 )
( 意大利香肉腸配車厘茄莎莎醬 )
沒有留言:
張貼留言