近日 Max 面上有小紅點，身上面都有少少，婆婆係咁話佢出麻仔(麻疹)。
我就話係少少皮膚敏感，耐唔中都出下，一陣又會冇事。
今日返緊工，婆婆打鑼咁搵我，我又唔方便聽電話，佢就打俾老公，佢又係忙緊，跟住佢就搵二家姐，二家姐就間接 whatsapp 通知我，仲 call 埋我 6299……
婆婆話要帶 Max 去睇醫生，其實我放工都不過4點，唔知真係以為 Max 發高燒定抽筋定咩事咁緊急，係到等唔到我放工。
其實我真係有留意 Max 既情況，真係覺得冇乜事，但今次真係冇晒婆婆乎，即時 book 左樓下既醫生，一放工返屋企就帶 Max 落街睇。
醫生第一時間已澄清唔係麻疹，只係敏感，可能係食物、又或者係空氣、毛塵、天氣都可以關事，加上 Max 都有少少濕疹底，更容易會有皮膚問題，平時要多注重清潔、多用純棉床品，勤密保濕等等。
其實勁懷疑係婆婆早日唔知煲左咩涼茶俾 Max 飲囉…… anyway 睇完醫生，買左個安心(俾婆婆:P)
沒有留言:
張貼留言