幫BB仔影證件相我覺得好有難度，帶佢出去影到時佢又未必合作、未必會笑、未必靚……最終決定用 PhotoCap 自製證件相，step by step 跟住黎學，對於去背工作非常唔熟悉，所以用左勁勁勁多時間，最終總算完成，滿意呀!
( 顏色偏紅，所以改一改個white balance )
( 按照入境處既指引裁剪大小同埋要白色背景 )
( 鬆散既髮尾好難去背，所以俾我cut走左，個樣即刻變得男仔D )
( 完成啦，最後以家用printer 自己印埋拎去入境處 )
( 大概20日，Josie 本特區護照有得攞啦! )
( 買左個靚靚國旗證件套，mommy’s favourite ^^ )
( 一次過申請埋ID card,
不過未有相既 )
又接左一連兩日既代課，兩日都有老公接送返工放工，車程之中聽左句令我覺得好開心既說話
「自從消防起未試過唔想番工!」
我真係好替老公開心，因為教書既時候老公真係忙得好緊要，每日7點幾返到學校，做到夜晚7點幾，仲要繼續帶野番屋企做，有時夜晚會有家長會，星期六日都會有帶隊工作，長假期又要去交流，一句講晒，勁辛苦! 完全冇私人時間，所以有時步入校門既一刻心情真係會好沉重。
轉左消防之後，雖然o個24小時係真係忙，但極少要帶野番屋企做，基本上放工就係放工。
能夠做一份自己喜歡既工作真係好好，
聽完老公既分享我真係安樂晒，當初咁支持佢轉行既決定係冇錯既
: )
( 代課期間又超掛住Josie,
要靠睇
cam 同埋老公 whatsapp send 相 send 片俾我 )
Josie 今日瞓醒左冇喊冇叫自己o係床仔上面玩，而佢個音樂轉鈴 detect 到聲音，所以自己著左機，響起音樂，D鴨仔自己轉轉轉，Josie就o係度捉捉捉^^
Josie教曉了我一件事，做媽媽唔需要太緊張，好多野唔需要諗太多。
1) 之前為Josie 唔肯爬，只肯企而煩惱，人家說爬行對腦部發展好些，身邊也有朋友的BB會跳過爬行階段，到時候就自然會行…….當我不再為此擔心時，上星期 Josie 就開始爬來爬去了，而且爬得很快。
2) 自初生開始就上網找「食奶咀」的資料，知道各有好壞，當時又擔心戒奶咀會好困難，但最終還是給了奶咀……. 平常在臨睡前給奶咀，近日Josie啜一兩口就吐出來，現在更加一口都不啜就自自然然戒掉了。
( Josie on mommy’s shoulder@2012-02-13
)
近期o係 facebook 不斷見朋友讚好既一齣戲，想睇好耐，今日食完晚飯，將 Josie 安頓好俾工人之後，終於有機會兩公婆出去拍拖睇戲啦～
呢排Josie成日食剩奶，如果係奶粉真係冇所講，倒左都唔可惜，但因為係人奶我就會好唔捨得，因為滴滴皆辛苦，唔係用錢可以買得到，更加唔係開水喉就有，而係媽媽好努力戒口，日以繼夜、定時定候去泵先有既，希望 Josie 快D回復返胃口。
( 咁o岩 Ivan 表哥今日黎左，婆婆話食得唔好嘥呀
)
