網頁

2015年2月27日 星期五

2015-02-14 戰利品@COACH

2015-02-14 久違了的二人世界@Valentine's Day

其實本身冇乜 planning, 都係預左一家四口出街食餐飯,點之 99 主動問起我地情人節去邊到慶祝,話佢地屋企樓下有攤位遊戲,想帶 Josie & Max 去玩。

就係咁我地第一次將佢兩個交俾 6299, 兩公婆二人世界去~

2015年2月26日 星期四

2015-02-14 Josie & Max@toy box

2015-02-14 Josie’s drawing "grumpy faces on the bus"


臨瞓前放定顏色筆同紙喺枱面,等 Josie 起身之後可以畫圖畫,唔好嘈醒大家。

果然起身之後乖乖畫圖畫, 紙上面有個圓圈,佢話係bus stop....我估因為呢個圈,所以佢開始畫左幅巴士圖畫。

佢話係「深井bus」,話佢大個女,自己搭車去婆婆屋企。

佢話車上面有兩個人grumpy face, dad dad and Max :P

2015年2月25日 星期三

2015-02-13 Lucas Papaw Ointment 澳洲木瓜萬用膏


又係朋友介紹既產品,大大小小唔同 size 都買左,最細嗰枝15g當潤唇膏,25g嗰枝帶出街,75g 留喺屋企用,用過好先買最大 200g, 愈大size愈抵用^^

2015-02-13 許廷鏗 -《Colour By Numbers》

其實本身唔熟悉許廷鏗把聲,但近來聽收音機成日聽到好聽既歌,一直聽晒首歌等 DJ 介紹係邊個歌手唱,好幾次都係佢,最終決定買番隻 CD 聽下,真係幾唔錯 : )

2015年2月24日 星期二

2015-02-12 naughty Max 飲漱口水


今日 Max 全日都好扭計、好曳,激死mama!

首先一早起身已心情唔多好,乜都扭一餐,想要 colour pens 畫野,我揀左四枝顏色筆俾佢,再一張勁大既紙,都係唔滿意繼續嘈!

想推塵、整麵包做下家務,佢都黐身到爆,行開去刷牙、洗面、換衫都要分N次做!!

忙完上半場,想坐低唞下,睇下 Josie 書包個文件夾,今日學校好多野派返黎,Max 係都要爬上我身,總之就係要你乜都做唔到,剩係將所有 focus 放喺佢身上 @.@

2015-02-12 自家湯券@鴻福堂


好掛念有工人既日子,每日三餐住家飯+湯水+生果,非常健康。

過去一年湯水勁少,成日以為頂多陣就會有工人,點之都係遙遙無期……最終決定買湯券,冇時間煲湯就唯有用錢解決,買個方便。

( 多得老公同同事夾份一齊買,抵好多^^ )

2015年2月23日 星期一

2015-02-12 Nature's way Sambucus Black Elderberry syrup 有機黑接骨木糖漿


Josie & Max 一向都冇食開保健品,通常「出事」先食保嬰丹、猴棗散。

mama 朋友介紹呢隻糖漿,話飲左抵抗力好左。

近來H3N2甲型流感肆虐,真係有少少擔心,所以都買左黎俾佢地試下。

2015-02-11 1st sick leave@K1


Josie 發燒了,唔見佢有其他不適,不過而家流感高峰期,日日報導甲型流感死左幾多人,唔敢由得佢自己康復,最終都選擇請假一天,帶佢去睇醫生。

好彩醫生檢查後認為只係一般上呼吸道感染,攞左藥回家休息下,買個安心。

2015年2月22日 星期日

2015-02-10 a long tired day


平日幾辛苦都好,日日望住個鐘都係希望快D到夜晚六點幾,等老公收工番黎屋企幫手。

今日佢放工之後要同同事食團年飯,所以一整日獨力一湊二,覺得時間過得特別漫長。

其實有時覺得一日過得辛唔辛苦,唔係剩係睇照顧兩個小朋友既時間有幾長、有幾多家務要做,而係佢兩個係咪乖同埋合作。

今日既辛苦係因為 Josie 超級唔合作,做每日一件事都拖延、玩、嘥時間,整到 mama 好嬲、好唔開心、好洩氣……之後佢又 say sorry 又話自己唔會再係咁、會乖,但轉頭又繼續唔乖、唔合作。

2015-02-09 行路接放學


冇正式既、long term 既工人已一年,之前 Max 未行得好,唯有用揹帶揹住佢接 Josie 放學,日子耐左,愈揹愈辛苦,改推BB車。

但其實推車都有推車既麻煩,明明有扶手梯好方便去到 Josie 學校,但推車又要從停車場入口過,又再轉貨𨋢…… 過馬路又推車又拖手,論盡! 返到上樓又要收車、摺車,麻煩! 落雨既日子更加煩上加煩。

今日終於試下乜都唔用,就咁換好衫就出發,坐慣BB車接放學既 Max 突然有得落地下行,十級興奮、甩繩馬騮咁,又唔肯拖手,攪到 mama 仲論盡過平時 O_o

好彩 Josie 今日聽話,如果唔係一個向左走,一個向右走,真係唔知點樣安全過馬路 =.=

2015年2月21日 星期六

2015-02-08 shoppingx3


2015-02-08 Shan’s No.3


探好朋友既第三胎,佢竟然話三個好湊過兩個,大嗰兩個自己玩,唔會好似第二胎時咁呷醋到爆。

生第二個時粗生粗養,成日想佢快D大,而家第三胎反而覺得好珍貴,唔想佢咁快大。

呢個經驗分享真係 surprise 呀~

2015年2月19日 星期四

2015-02-07 Josie & Max’s drawings

2015-02-06 《The Incredible Burt Wonderstone 人生魔術師》

得啖笑既一齣戲……Jim Carrey 好喪、好低能 :P



2015年2月18日 星期三

2015-02-05 兩隻豬仔又扮瞓覺

2015-02-03 吉意思+飯後散步


今日即興改為出街食,唔使廚唔使洗。

再一次食吉意思,上次 Max 有私家飯,叫左兩個都唔夠食。

今次索性叫三份餐,但又食剩好多…… 可能尋日個壞消息真係好令人唔開胃,唯有食剩既帶走,聽日lunch有著落囉~
最鍾意呢度既蒜蓉厚多士 ) 

2015年2月15日 星期日

2015-02-02 噩耗


11月中請既工人原定大概2月中會到,叫做趕及農曆新年前到步,趁老公放假幫手一齊 train.

早前收到 agent 通知話要 delay, 因為工人既地址唔夠清晰,文件彈回頭,一出一入領事館又花了好多時間,再加上農曆年假,大概要延遲成個月。

Agent 話其實真係好少咁既情況,佢只能夠講唔好意思,好唔開心都冇辦法咪又係要繼續等。

今日又傳黎另一個更震撼既消息,工人冇去 training school 幾日,原來佢媽咪病左,唔可以再幫佢照顧小朋友,佢唔可以出國!!!

晴天霹靂!!! 我真係接受唔到!

死頂左咁耐,一直就係等緊工人到,文件都已經入埋入境處,經已係最後審批階段,點解?! 點解?! 點解?! 經歷完 13 個月既痛苦日子,乜野衰野都遇過晒,有冇人可以黑成咁,點解偏偏係我?!

Max 一歲開始請,到佢而家兩歲三個月,運吉既、欺詐既、放發機既、無良既、騙財騙感情既乜都發生係我身上。

呢段日子真係超級難過,好想死!
( 呢幅圖唔係顯示有問題,而係反映我既心情── !!! )

2015-02-02 Max likes reading


好開心培養左一個愛閱讀既 Josie, 我記得自己曾經講過「如果 Max 大個都鍾意睇書就好啦~……而家發覺 Max 都有呢方面既興趣, so happy!

其實係咪真係培養出黎?! 定根本佢地天生愛閱讀?!

我唔打算考究啦,總之仍然覺得書本係最值得投資既「玩具」,而圖書館就永遠係最好既資源。

Josie & Max 繼續努力啊,愛閱讀受用一生呀!

2015年2月14日 星期六

2015-02-01 cherries & strawberries


近來先知而家興食塔斯曼尼亞車厘子,但見到 "43 Degree South" 真係好貴冇買到。

朋友買左其他塔斯曼尼亞車厘子,見平平地一齊 share, 仲諗住都係塔斯曼尼亞應該唔錯掛……一分錢一分貨,當普通車厘子食好了。

而家已經係水尾啦,好啦,下年貴都買返"43 Degree South" 試下啦~

( 對於 Josie & Max 黎講,乜野產地既生果係唔重要,有得食就好開心架啦^^ )

2015-02-01 working hard@Starbucks


Josie 生日節目豐富,一日之內影左勁多相同片,整理都要用勁多時間,最終要分八篇先 post 得晒。

出完街送左 Josie & Max 返屋企瞓晏覺之後, dad dad 自己照顧佢地,我可以落樓下 Starbucks 專心做,一定快過喺屋企做好多^^

2015年2月13日 星期五

2015-02-01 lunch@Di·deli 德里·西廚


星期日中午,舉家出荃灣買餸再食 lunch, 見到就近一間靚靚地既餐廳就入去試試。

全店滿座,但獲安排坐舒適既卡位,啱晒我地呢個麻煩既組合。

2015年2月12日 星期四

2015-01-31 Josie陪mama洗碗


Josie 好想幫手洗碗,但 mama 唔係好想佢接觸洗潔精,所以只係俾佢幫手過水。

有冇人知邊度有小朋友 size 既手套賣?

2015-01-26 變態咬人事件!!!


自細 Josie 成日蝦 Max, 粗魯對待佢,我警告過佢 Max 好快會長大,做返相同既野對待番你。

當時佢仲細,可能理解唔到,剩係知道呢個物體存在之後分薄左 dad dad mama 對自己既關注。

Josie 愈大開始對 Max 既醋意減低,仲開始愛錫細佬,講唔上對佢好好,但絕對唔差,可惜係 Max 唔再一舊飯之後就好曳,成日蝦家姐、打人、搶野……今日 Max 又攪住 Josie, 打佢塊面又捉住佢唔放手,Josie 又叫又喊, mama 未來得及處理, Josie 就咬左 Max 手指!!!

咬得勁深,喊死 Max, 超陰公!!!

2015年2月11日 星期三

2015-01-31 極速吹蠟燭


唱左一次生日歌,Max 好快吹蠟燭。

再點一次蠟燭,本來係想錄影 Max 唱歌,點之佢話「唔好唱呀!

大家一唱完生日歌, Josie 即刻用手擋住 Max 再極速吹蠟燭 :P

P.S. 短片已上載 facebook page.

Your Silly Maggie | Promote Your Page Too

2015-01-31 第三個生日蛋糕

2015年2月10日 星期二

2015-01-31 family dinner@金域軒


6299一家黎同 Josie 補祝生日,齊齊食晚飯。

2015-01-31 Josie@new hair style



Josie 似乎好鍾意呢個紮法,愈大愈貪靚,mama 成日怕佢會走公主路線,所以自細避免佢走呢條路,但似乎抵擋唔住啦 :D

2015年2月9日 星期一

2015-01-30 K1家長日


老師對 Josie 既評價好高,話佢好清楚自己返學係要做個好學生,學習認真、學過既全部記得,會做番晒出黎,令人知佢學識左咩,佢表現到俾老師知佢程度,老師可教佢更多,班主任x2,英文net teacher,普通話老師好鍾意佢,好錫佢。

除此之外,無論任何課堂都非常留心上課,又好自律。平時好似個班長仔咁、好願意幫助其他同學,而且係老師既好幫手。

所以學術方面老師話唔同我多講,因PN時已溝通過,反而focus佢既emotion, 想佢開心些,怕佢俾自己大壓力。幸好老師話佢都有童真、唔係老人精,會有silly 既時候,佢地會由佢silly 下,話係需要既,主要係想佢知道學校可以好fun.... Need not to be perfect.

另外老師以為我地課餘時間報好多班,爸媽日日幫佢溫習,我話俾老師知冇報任何班、冇溫習,在家玩多,老師非常surprise, 同埋替我開心。

2015-01-30 香蕉杏仁片提子乾麥片@tea time


一份即興既下午茶,三分鐘攪掂,唔使日日食麵包咁悶…… 查實 Josie & Max 又真係食麵包食唔厭既,其實可以唔使攪花臣 :P

2015年2月8日 星期日

2015-01-30 b-day present from school


尋日喺學校生日會帶返黎既生日禮物,好切佢呢個歲數, good!

2015-01-29 shopping@Baby Shop


近排迷上 facebook 一間美國代購 BB 用品既專門店,但知道佢地取貨地點係觀塘之後,我就打消左購買既意慾。

但自從 like 左佢地個 page, 幾乎日日都好多產品推介,好多都心儀,睇下睇下都係出手啦^^

好多貨都係美國代購,要等成兩個月,買一件貨要等,買兩件又係要等,到時收貨山長水遠去攞一件半件唔係好化算…… 就係咁俾左藉口自己買左好多野 :P

今日去完 MegaBox 嗰頭,算近近地去一轉攞野。

2015年2月7日 星期六

2015-01-29 切第二個生日蛋糕


今日對於返完學、冇瞓晏覺既 Josie 黎講真係好漫長,佢都算好叻,冇發顛。

但都深知佢已經玩得好夠,如果喺街食晚飯應該會好難攪,所以最終齊齊返屋企叫外賣算數,飯後再一齊食生日蛋糕慶祝,好圓滿既一日呀~