今日 Max 全日都好扭計、好曳，激死mama!
首先一早起身已心情唔多好，乜都扭一餐，想要 colour pens 畫野，我揀左四枝顏色筆俾佢，再一張勁大既紙，都係唔滿意繼續嘈!
想推塵、整麵包做下家務，佢都黐身到爆，行開去刷牙、洗面、換衫都要分N次做!!
忙完上半場，想坐低唞下，睇下 Josie 書包個文件夾，今日學校好多野派返黎，Max 係都要爬上我身，總之就係要你乜都做唔到，剩係將所有 focus 放喺佢身上 @.@
( 自己企上矮櫈，將成枝漱口水倒晒出黎，見個杯仔有藍色，好大機會有飲 )
( 強行打開佢個口，真係好大陣漱口水味! 我將其餘既漱口水倒番入個樽，嘗試估計下佢飲左幾多 =.= )
( 再用紙巾抺枱面，都有唔少漱口水，希望唔係飲左太多 )
( 成個枱面既紙盒都沾濕漱口水! )
( 自己推餐櫈再爬上去攪門鎖 )
( 再大D夠力開門，會唔會開門自己走左去
=.=” )
沒有留言:
張貼留言