網頁

2014年8月31日 星期日

2014-08-16 33派帖gathering

2014-08-15 nice weather, nice view~

隔住玻璃窗用iPhone拍攝,沒有修圖。
今日既天色真係靚到暈~~~

2014年8月30日 星期六

2014-08-14 Josie & mama@Happy Shopping Day

今日兩母女拍拖,去左好多地方,買左好多野。

行好多路,知道 Josie 好攰,但係佢冇扭計,全程都好聽話,表良好,可以再有下次^^

2014年8月29日 星期五

2014-08-14 Max的百寶袋


前排就玩除衫除褲,近排就鍾意擺野入件衫裏面,保鮮袋、骰仔、貼紙、數目字、stacking cups, puzzle 乜都有,連拖鞋都想放入去,好彩喝得住 =.=

P.S. 短片已上載 facebook page.




2014-08-14 Max@晨早睇街街


2014年8月28日 星期四

2014-08-12 兩母女@Disneyland

今日同Josie 去醫院覆診,見佢今次病左咁耐邊度都冇得去咁慘,就話同佢去街街。

全程冇話佢知去邊,但我揸到去樂園附近佢就認到路,甜絲絲咁話:「可能係Disneyland黎架喎~」

其實今日全日落雨而且樣樣遊戲都大排長龍,冇乜點玩。
但就趁生日月既discount coupon shopping 一下,第一次兩母女遊迪士尼,開心!

P.S. 夜晚臨瞓既時候,有人同dad dad 講:「mama話同我去街,但係佢揸車揸錯路,去錯左Disneyland呀。」

2014-08-12 可恥!!!


排隊時已留意到前方既小朋友條短褲剪裁非常獨特,下方大開浪,當我正諗緊呢一大個洞既作用係咪可以涼快d既時候,呢個小朋友即席示範呢個特別設計 xyz!!!! @%€^*%!!!!!

真係神不知鬼不覺,連條褲都唔使除落黎!

唔該你唔好整污漕Winnie the Pooh 隻腳,仲有好多小朋友要同佢影相架!

有公德心既狗狗主人,都會帶個水樽出街沖番個地下,你地就地解決完就咁行左去,好似咩事都冇發生過咁!


2014年8月27日 星期三

2014-08-12 腸胃炎覆診@港安


出院4日啦,抗生素療程仍然服用緊,已經穩定地冇發燒,便便終於都近似平時啦!

3歲半既 Josie, 今次真係算病得最嚴重、發燒歷時最長既一次。

dad dad mama 真真真係怕怕,要身體健康呀!

希望 Josie 受咁大既教訓之後,唔好再擺手入口,就算唔喺 mama 視線範圍之內都可以做得到, mama 真係睇唔到咁多,要靠你自己架!




2014-08-10 shopping@青衣城

飯後行下商場, shopping 一下, mama 最開心^^

第一站馬莎,試鞋中… )

2014年8月26日 星期二

2014-08-10 dinner with Curly@翡翠拉麵小籠包

舊朋友好耐冇聚,終於可以就到時間地點食番餐,update一下大家近況,下一次深井再聚^^

2014-08-09 Josie’s 1st Play-doh

屋企有2份泥膠玩具,係朋友送既聖誕禮物,一直未拆因為覺得 Josie 應該未識玩。

最近去完同學仔屋企,玩過泥膠之後佢真係好有興趣玩。

另外,腸胃炎住院期間,我開 youtube 俾佢睇左好多泥膠製作短片,佢興致勃勃想玩,成全佢啦~

2014年8月25日 星期一

2014-08-09 Josie the cook & waitress


2014-08-09《救火英雄 As The Light Goes Out》

幾期待既一齣戲,可惜失望收場 >.<


2014年8月24日 星期日

2014-08-08 腸胃炎(沙門氏菌)@港安Day5


沙門氏菌感染,痾足九日、燒足九日,最高燒達41

見到發燒情況仍然非常反覆,兩日前終於用左抗生素,體溫總算穩定少許

五日四夜住院既日子,每日都要忙人手編配,一個留家照顧Max, 一個留院照顧 Josie, 兩公婆你一日我一日輪流照顧。婆婆有空既日子會幫手,等dad dad 可以返工,沒空就唯有請假。在院期間全程吊鹽水,每次沖涼、去洗手間、食野都要就住部機,去到邊拖到邊,一日痾好多次,就要忙好多轉。

2014年8月23日 星期六

2014-08-07 alone with Max again

尋晚一定要離開醫院,無得繼續陪 Josie, 除左因為要返屋企餵 Max, 仲因為要去做天灸療法,最後一次啦,真真真係好希望鼻敏感改善到,我唔想再頻密地發作,好影響我既生活。

2014年8月22日 星期五

2014-08-06 腸胃炎(沙門氏菌)@港安Day3

由入院開始吊鹽水,加上痾得緊要,醫生建議佢禁食,等腸胃休息下。

又發燒、又痾、又唔俾食野食水、仲要吊鹽水活動唔方便,Josie 超勁扭計,做左超級大喊包,成日都話好掛住 mama, 同埋好想返屋企。

好多化驗報告都未返,知道佢冇咁快出得院,尋晚我餵完 Max 餐夜奶之後,就揸車載埋 Max 去醫院門口,同 dad dad 對調,佢返屋企睇 Max, 我就留低陪Josie過夜,安撫一下佢既情緒。

mama 喺度 Josie 今日既心情果然好好多,仲已經可以食野飲野,雖然胃口唔係好,但總算有野落下肚。

2014-08-05 Max@剪頭髮+逛超市

事隔四個月,再帶 Max 去玩具髮型屋剪頭髮,但今次佢喊到死,一手扯開塊袍,發晒忟陣,結果俾餅仔佢同埋睇電話既ABC songs, 冷靜左一陣咁多,之後又極力掙扎,一度企起度攬住 mama 黎剪,兩個都剪到成身頭髮 =.=

剪完頭髮去左逛超市,樣樣野對 Max 黎講都好新鮮,買完野最 surprise Max 認得個八達通機,問我攞卡「Do^^

2014年8月21日 星期四

2014-08-04 Max plays alone at home

dad dad 陪住 Josie 留院, mama 喺屋企照顧 Max.

We all miss each other, but facetime is not working >.<

2014-08-04 腸胃炎(沙門氏菌)@港安Day1


731日高燒+肚痾,西醫話係腸胃炎,只能等佢痾晒先會好。

痾左4日,冇食過野咁滯,尋晚高燒到40.5度,退燒水都退唔到,漏夜送左入港安。

入院到而家都係吊鹽水,仍然持續地燒。

第五日啦! 好心痛!

Josie, 我真係好掛住、好掛住、好掛住你!

2014年8月19日 星期二

2014-08-02 shopping day

今日去左四個地方買野,買左勁多野,每一 round 都係我去做苦力=.=

因其中兩個地方係老公睇車,我去買野。

但返到屋企之後,我仲去左兩 round 超市,買下買下好多野,好重。

其實我都想由老公代勞,但總係覺得佢成日唔知價、買錯野,又成日唔知屋企既存貨 =.=

最好快D有工人睇住 Josie & Max, 等我地兩公婆一齊去超市^^

2014-08-02 lunch@五穀豐收

今日要去尖沙咀同埋護協買野,全家一齊出動,冇四圍搵野食,只係喺護協樓下隨便搵一間醫醫肚就算。

2014年8月18日 星期一

2014-08-01 Max@破壞王


Max 既破壞力真係好強,經常整爛玩具,撕爛書!

Josie 自小都甚少整爛野,好多野留俾 Max 既時候仲係新淨。

如果調轉 Max 係哥哥, Josie 係細妹,相信 Josie 就冇野好玩啦 =.=


2014-08-01 《The Hunger Games: Catching Fire 飢餓遊戲2: 星火燎原》


雖然我仍然邊睇邊辯駁劇情,但第二集確實比第一集好看,期待第三集既大反抗。


2014年8月17日 星期日

2014-07-31 dad dad 踢波 VS mama湊B


今日其實真係好攰,特別係小朋友病既時候,照顧起上黎特別累。

適逢老公夜晚有波踢,仲要係一班好多好多年冇見既朋友,知道佢期待左好耐,所以自己頂硬上,支持佢出去踢波聚舊,輕鬆一下。

安頓好 Josie 入房瞓之後,我就去左 Max 房準備餵佢,連衫到拿起埋既時候, Josie 開門入黎話要 poo poo!

平時已教左佢如果 mama Max, Max 瞓覺既時候,

2014-07-31 麵包材料@家政坊


睇完醫生,順道喺就近既烹飪材料舖入貨,乜都買少少試下。

雖然核桃好有益,但 Josie & Max 竟齊齊唔鍾意食,一粒一粒吐番出黎。

而紅莓乾麵包就好好味,有機會再買過。


2014年8月16日 星期六

2014-07-31 Josie@肚痾+發燒


尋日下晝喺 club house 上埋最後一堂 hip hop 班之後,揸車出去荃灣既時候,婆婆已經同我講 Josie 個額頭㷫烚烚。

繼續同婆婆慶祝生日,但 Josie 就唔多精神,晚飯返到屋企先俾退燒水,半夜肚痾左一次。

今日依然發燒同肚痾,都知佢一定係腸胃炎,所以本來唔諗住睇醫生,由得佢痾晒就算。

但今日下晝食左退燒水,體溫唔都唔多點退,最高溫時 39.8, 決定即時睇醫生。

檢查晒其他部分都正常,確認係腸胃炎,只要食退燒水同埋止痾藥粉、益生菌,痾清就可以啦~


2014-07-30 婆婆舊曆生日@妙法齋


2014年8月15日 星期五

2014-07-29 Josie@三歲半


"Crazy3" 果然好 crazy, 呢半年過得真係好吃力,每日都鬥智鬥力,耐性大考驗。

知識上唔係太擔心佢,一切 on track 已很好了;emotion方面就真係比較擔心,經常大發脾氣、失控、哭鬧,性格固執得好緊要。

大家經常見到 Josie 開心既一面,呢個係當然既,笑既相片靚同埋開心,自然挑選黎分享,唔通 post d 喊到口水鼻涕出晒黎既相咩!

希望我能夠有無比既耐性,好好處理呢個 "Crazy3",  多點歡笑,少點哭鬧。



2014-07-29 Naughty Max

每次瞓醒例必大大聲叫“dad dad!!!!” “mama!!!”, 語氣仲要好惡、好呼喝咁,好似要人第一時間招呼佢咁 O_o

如果忙緊我通常都會由佢叫一陣,做埋手頭上既野先入房,但有人等得唔耐煩就會開始掉野! 掉自己張床既攬枕、公仔等等之餘,仲要掉埋窗台嗰邊既野!!!


2014年8月14日 星期四

2014-07-28 3rd hip hop class

時間勁緊迫,由中醫診所趕返屋企帶 Josie 去跳舞。

原來第三堂再學另一首新歌,學多左唔同既舞步,落堂之後又去左 indoor play area 玩。




2014-07-28 次伏@天灸療法

原來人人貼既穴位唔同,而醫鼻敏感要針對肺部,合共貼左七個地方。

同上次一樣都係未有特別感覺,等待十日後既末伏,希望鼻敏感有改善。





2014年8月13日 星期三

2014-07-27 crying naughty Max

婆婆話:「如果小朋友一早瞓醒對住你笑,嗰日全日佢都會好開心,全日都笑。」

今早 Max 一瞓醒就喊、扭計,結果全日不停發脾氣、忟陣、乜都扭一大餐!

今日特別忙,偏偏 Max 又勁曳,食飯既時候發脾氣掉匙羹,俾 dad dad 鬧既時候,強忍住冇眼淚,低頭扁晒嘴,間唔中抬頭望下mama, 又望下 dad dad, 笑死!!!

2014年8月12日 星期二

2014-07-27 灰爆!

今日簡直係過去半年沒有工人的日子最難過既一日,由於近排我身上唔同部位都有類似蝨咬既紅印,痕癢難耐,決定試下用滅蝨炸彈。

一家四口晨早放完三個炸彈,即走!

就黎夠鐘返屋企善後既時候,相約好既鐘點甩底!!!!!

尋晚仲誓神劈願話一定到,真係嬲到爆+灰到爆!!!!!!

結果緊急應變,dad dad 返屋企開晒全部窗通風,先換 Max 床單、抺全間房,然後安排眼瞓到暈既 Max 返屋企瞓覺

mama Josie 喺樓下 Starbucks hea, dad dad 處理 Josie 間房,再輪到 Josie 瞓晏覺。

如是者,抺埋廳、主人房,係屋企每一個角落,每一樣野都要抺,結果由2pm抺到夜晚12am!!!

辛苦晒 dad dad, 話說有人話睡前會幫佢全身按摩,但累爆瞓著左 :P

2014-07-27 visit classmate Ryan

今日去左 PN 同學仔屋企玩,大家住同一座,非常方便。

兩家人一齊傾下計、玩下遊戲,好好既家庭活動。

2014年8月11日 星期一

2014-07-26 S98 long time no see gathering

S98好耐冇gathering啦,今日重回舊地,真係好懷念住宿舍既日子。

冇見一排小朋友大個左好多好多,一齊玩、跑、食,真係好開心。

今日小朋友玩玩玩,大人傾傾傾,勁夜先走,好夜先走,應該係 Josie & Max 第一次咁夜返到屋企,仲夜過去飲 :P

2014年8月10日 星期日

2014-07-26 原來眼耳口鼻都好好玩

Max dad dad 熟睡既時候,係咁篤 dad dad 既眼、扯耳仔,佢就樂在其中, dad dad 就瞓到冧一冧,任攪唔嬲。

最後坐埋上身,玩埋 dad dad 身上嗰兩點,wakaka!!!

2014-07-25 任我行

而家 Max 想去邊就推埋自己將櫈仔企上去,扭門鎖、爬上電視櫃,九萬幾次抱番佢落黎、打手仔、講NO! 都係唔 work, mama 索性將櫈仔收埋…… 點之佢而家推餐櫈!!! 開走廊門、開關燈掣 O_o

天啊~每日都捉雞仔咁捉,佢仲要勁鍾意我捉佢,救命!


2014年8月9日 星期六

2014-07-24 夜遊迪士尼


好耐好耐冇試過喺迪士尼逗留到夜晚,今次想俾佢地睇煙花,所以六點先入場,順度食埋晚飯。

今次只係只係睇一個 Stitch show, 玩一轉小小世界, 再玩燈光璀璨既Merry-Go-Round, 最後喺 Royal Banquet Hall 食晚飯,再慢慢行下等睇埋煙花先走。

2014年8月8日 星期五

2014-07-24 ultrasound check up

血管瘤覆診前夕,醫生安排左再一次既超聲波檢查,睇睇耳仔下面血管既情況。

我地預早一晚話俾 Josie 知要檢查,佢已經熟晒程序,去搵晒屋企既收銀機、電腦,當係醫院既器材,又玩一次 doctor game.

一時做醫生,一時做 patient, 仲要扮埋擠D ultrasound gel 落耳仔,非常認真。




2014-07-23 more artworks

小朋友既進步真係可以好快,早前先第一次俾佢話呢類 artworks, 開頭大部分都係 mama 教佢,佢貼得唔好就幫佢再貼。

玩左幾份之後,佢可以完全對住圖片,自己搵出拼貼既次序,大部分都能獨力完成。

2014年8月7日 星期四

2014-07-23 hip hop class again

今日第二堂,早左少少到 Josie 見到鏡中既自己都可以 natural high~

今日冇得再留低睇佢上堂,隨意喺 club house 個小小圖書閣揀本書,罰企係門口,一邊睇書,一邊八卦下 Josie 上堂既情況。

佢大置上都跟從老師既指示,但如果有小朋友做頑皮野,佢會即跟,attention seeking 情況同學校&屋企不相伯仲 O_o

小朋友可以好快混熟,小休去洗手間都要手拖手一齊去。

落堂之後去左 indoor play area 玩,呢個鐘數去 outdoor 真係會曬溶!