網頁

2015年5月31日 星期日

2015年5月30日 星期六

2015-05-23 DYMO label marker


好心急要即刻試用新買既 label marker, D小玩意真係好啱我,第一時間將D退色既、殘舊既燈制 label 換過,再將整麵包既成個材料 tray label, 等工人整麵包既時間方便D, 最後就係remotessss, 好晒方便6299 &公公婆婆^^

2015-05-23 《American Sniper 美國狙擊手》

睇戲既時候好容易代入左自己既處境,我諗我唔會愛上一個軍人,就算愛上左,都唔會同佢組織家庭,日日擔驚受怕,除時冇左個老公,小朋友冇左個老豆 >.<

2015年5月29日 星期五

2015-05-23 科研動感日1


去完視力檢查去荃灣買野,泊車既時間發現就近既一間小學攪左個科研動感日,係 for K2 既學生既,我地就入去八卦下,竟然接受 walk-in, 老師臨時寫左個名牌俾 Josie 即時參加 ^^

2015-05-23 eyes check@Child Health Centre


四歲可以去健康院做視力檢查,亦都係兒童健康服務既最後一個項目,以後都唔使再去健康院啦, good!

Josie 通過簡單既視力測試,左眼有少少散光,另有正常既遠視, 視光師建議大約五歲左右可以再去 POLY 做更詳細既眼科檢查。

2015年5月28日 星期四

2015-05-22 韓國菜 School Food


BABY SHOP 攞完野,去左德福搵食,搵到間食韓國菜既餐廳,裝修特別,食物好唔錯,有機會都想再食。

2015年5月27日 星期三

2015-05-22 6th shopping@BABY SHOP


星期五啦,返完一星期工真係好想出下街,又等老公收工去一轉 BABY SHOP 攞野^^

唉~ 買開左個頭真係好似停唔到咁,成日心思思就會 click 入佢地個 facebook 睇下有咩好野…… 其實近來已經收斂左,開始提醒自己清醒D,唔好成日俾佢誇張既描述影響到,有時D野同出面其他 shop 差唔多價錢架咋,唔使下下搵佢地訂,等船期收貨等到頸都長 =.=

2015年5月26日 星期二

2015-05-21 Josie 勁食牙膏!!!


買過好多唔同牌子既牙膏,年紀細要揀冇 fluoride 既,好多隻細細枝都唔平,成日話咁快用完一枝,幾十幾十咁買真係小數怕長計。

尋晚發現最近開既一枝牙膏只係用左個幾星期就冇晒,唯有又開一枝新既,點之夜晚陪刷牙時竟然發現全枝勁輕,擠都擠唔出,原來今日瞓晏覺前刷牙時全枝牙膏俾 Josie 食晒!!!
 
平時都知佢間唔到擠多D,然後啜啜啜晒又擠多次先刷牙,今次實在太離譜,結果俾 dad dad 鬧到佢飛起!

好多小童牙膏既生果味實在太勁,甜到好似食糖咁,用黎吸引小朋友刷牙,但 Josie & Max 向來都唔抗拒刷牙,實在無需要太好味既牙膏,如果大家用開有咩唔太甜又冇 fluoride 既小童牙膏記得推介俾我,急!

2015年5月25日 星期一

2015-05-19 wind blowing song by Josie


♪♫ ♪♫ ♪♫~
I see the clouds moving, /w/-/w/-/w/
I see the kites flying, /w/-/w/-/w/
I see the tree bending, /w/-/w/-/w/
The wind is blowing strong! ♪♫ ♪♫ ♪♫~

P.S. 短片已上載 facebook page.

2015年5月24日 星期日

2015-05-18 平買玩具


早兩日 mama group 突然話有荃灣工廈賣 $2 玩具,只限一天,當時慶祝緊母親節,冇辦法抽空去買。

mama 朋友勁好人,自己邊買邊影相俾其他 mamas, 仲幫埋我地買,相約落樓交收就攪掂, so nice!

2015年5月22日 星期五

2015-05-17 補祝母親節


上星期 6299 去左離島玩,正日冇得慶祝母親節,所以今日補番慶祝。

2015年5月21日 星期四

2015-05-16 親子競技遊戲日3

又係一星期一次既朋友自組遊戲日,今次 Max 都有份去呀,不過佢只係兩歲半太細個,好多野佢未啱佢玩,但勝左可以跑來跑去、蹦蹦跳跳,接觸下大自然都唔錯。

2015-05-15 《Taken3 救參96小時3》

頭兩集都覺得好好睇,好渴望有個「萬能」daddy…… 呢集既劇情麻麻地,而「萬能」daddy 開始有老態,打鬥場面都要配合搖鏡黎加強效果,好似已經走唔郁咁…… 應該唔會再有 Taken 4 :P

2015年5月20日 星期三

2015-05-14 食得好


我既 blog 經常 post 食物相,好多人誤以為我好鍾意食野,但實情係正正相反,我向來對食真係冇乜要求,反而餐廳既格調, service 我會比較著重。

而喺屋企,食對我黎講只係最低層次──醫肚。

由於完全唔識煮野,所以工人識煮野係首要既!

新工人上任個半月,煮食方面漸上軌道,由起初唔識煮,到而家自己諗餸、買餸、煲湯自己攪掂,超開心!

要多謝婆婆同埋嫲嫲幫手教,另外要多謝公共圖書館,上次借左 4 cookbook 俾佢,佢好用心學,仲識得自己影低材料既圖片,去街市搵唔到就攞相出黎,抵讚!

( 見到屋企有章魚,佢就自己出街買蓮藕、豬肉煲湯,其他餸都煮得好有誠意^^ )

2015年5月19日 星期二

2015-05-13 乘機作反



唉~

代課第七天,開始覺得唔對路。

唔對路既唔係學校,而係屋企!

生左BB之後,一直都係全職媽媽, Josie & Max 每日既起居飲食、作息、學習、遊戲......一切都喺我既密切監管之下。

近日發覺 Josie & Max 都好好好曳,好唔聽話.....情況就好似原任老師唔喺度,學生會特別曳、特別興奮,一d行常既規矩都故意唔遵守、或者乘機作反 O_o

做左人阿媽之後更加覺得有家室既老師好唔易做,對住人地小朋友既時間多過對自己嗰d =.=

慶幸我只係客串,過多兩個幾星期,就可以返屋企照顧番自己既小朋友。

全職教書既朋友,深深明白你地既難處,加油呀!


2015-05-13 looking for summer class


呢排返工接唔到 Josie 放學,一星期一次既興趣班都要婆婆幫手帶,好彩放工之後趕得及接佢落堂。

然後帶 Josie 去附近既 learning centre, 小童群益會, clubhouse 攞下暑期班既章程。

2015年5月18日 星期一

2015-05-11 X for X-ray


今日 Josie 應該喺學校學英文字母「X, pillow talk 既時候唱左首 X-ray song 俾我聽,又攞左我手機黎影我隻手掌,再用另一樣玩具 X-ray 膠片黎幫我睇 X-ray 報告,佢話我D骨爛晒喎 O_o

我扮到好驚訝,叫佢幫我檢查埋另一隻手,好彩佢就話另一隻手冇事喎 :P

P.S. 短片已上載 facebook page.

Your Silly Maggie | Promote Your Page Too

2015年5月17日 星期日

2015-05-10 big shopping@Disneyland


4月尾同 Max 拍拖去迪士尼玩,shopping 之餘仲續埋會籍。

點之隔左一日之後就喺 facebook 睇到好多朋友去 Disneyland 血拼,原來有6折購物優惠,做左會員咁耐我都唔知會不定期有 D 咁筍既優惠,早知上次唔買野住啦~

今日係星期日+母親節正日+6 折購物優惠最後一天,迪士尼爆多人,好彩我明智地揀左一個人黎 shopping.

其實我一向唔「好」卡通人物, 但由屋企揸車去 Disneyland 實在又快又方便,即管去掃下貨氹下 Josie & Max 開心。

迫左五個鐘、走左十間 shop、簽左七次卡,unexpected 地買左好多野 ) 

2015-05-10 Josie & Max 齊齊剪頭髪


愈大個 Josie 愈鍾意留長頭髮,佢介意我地幫佢剪陰,但後面既佢就好唔想剪。

每日洗頭、吹頭、梳頭、紮辮都花上唔少時間。

近排成日氹佢剪短D, 話俾佢知剪短左都可以好靚,仍然可以紮到辮,佢已經唔再抗拒啦。

唔想麻煩自己,今日帶晒兩個出街俾人剪,舒服晒~

2015年5月16日 星期六

2015-05-10 Happy Mother’s Day


Josie喺學校親手整既小禮物(棉花糖點蜜糖、再點彩色粒粒糖,放cupcake紙上,最後包裝,另外再用飲管等簡單材料整左朵花)

mama 星期五夜返屋企,但Josie一直喺床上等我.....一開佢房門,佢即時彈起身扒上窗台攞禮物,勁興奮同開心咁同我講"HAPPY MOTHER'S DAY!!!"
之後好努力講解禮物製作過程。

mama : 咁你有冇同婆婆講母親節快樂呀?
Josie : 佢都唔係我媽咪
mama : 咁你知唔知婆婆係我媽咪
Josie : (好疑惑咁既樣)
mama一直冇為意Josie係唔知呢種關係]
mama : 即係呢婆婆big tummy(大肚)嗰時,mama喺佢個肚裏面,婆婆生我出黎架!
Josie : (更疑惑既樣) 乜你以前係BB黎架?!

Wakaka....Happy Mother's Day!!!

2015-05-09 慶祝母親節


今日 Eva 姨媽一家黎左,一齊慶祝母親節。

三個小朋友長大啦,大部分時間都可以和睦地一齊玩 : )

2015年5月15日 星期五

2015-05-09 親子競技遊戲日2


又係一星期一次既朋友自組遊戲日,實在太好玩、太開心啦~
是日活動:

跳大繩、跨欄、跳轉90度、鬥力向前行拾豆袋、搶尾巴、單腳跳踏飛碟……

2015-05-09 Max第一次揸筷子


lunch 時間,工人 set 好晒枱,點之 Max 攞左 Josie 筷子話要用,我費事同佢爭,由得佢試下,原來勉強都用到喎, good try!