網頁

2015年4月30日 星期四

2015-04-26 singing together


今日有批圖書要還,其中一本跟左隻兒歌CD, 還書前兩姊弟搭住膊頭再唱一次。

2015-04-25 《Interstellar 星際啟示錄》


同太空、星球有關既電影我真係唔多有興趣,亦都好難理解,今晚純粹陪人睇^^



2015年4月29日 星期三

2015-04-25 遊機場核心計劃展覽中心 & 嘉頓小型博物館


今日近近地喺屋企附近行下,先步行去機場核心計劃展覽中心,影下相、食下野,回程再去嘉頓麵包廠行下,原來裏面有個小型博物館,行完就買左 mama Josie 都好鍾意食既孖寶蛋糕返屋企^^

2015年4月28日 星期二

2015-04-24 happy playing time


覆診前俾 Josie 喺車瞓晏覺,所以覆診後佢已經夠晒精神。

開車前同定婆婆講,話我會直接帶 Josie clubhouse 玩,叫佢同公公一齊帶 Max 落定去。
有得出街玩 Max 超開心,佢兩個跑跑跑放左好多電,希望夜晚瞓得好D, 近來佢兩個都係上床後碌兩個鐘都未瞓著 >.<

Clubhouse  真係好熱鬧,經常好多小朋友,我地只係帶左風車落去,但最後又玩 bubbles, 電動車、足球、scooter, 真開心^^

2015年4月27日 星期一

2015-04-24 Josie@血管瘤覆診


十日前既 ultrasound 顯示血管瘤已收細至1cm x 1.xmm,已邁向穩定期,至於耳仔紅印消退既進度係以年計,每個人既情況都唔一樣,有人三歲退晒,有人五歲、七歲,直至十歲就會當佢唔會再退色,到時仍有紅印的話可以考慮做 laser.

回想起 Josie 兩個月大既時間,個血管瘤好似乒乓波咁大,而家留低既只係少少腫,同埋紅印,已經覺得係好好既結果,希望 Josie 長大後會明白同埋唔好太在意面上既 “birth mark”

十歲真係太遙遠啦,希望往後6年繼續慢慢退啦~

2015-04-23 My favourite SKIP HOP


真係好鍾意 SKIP HOP 既產品,最愛係 bee & owl  : )

買左個 bee bottle Josie, 佢喺學校都係 bee group ^^

2015年4月26日 星期日

2015-04-22 a day with grandparents

2015-04-21 板前壽司


今晚有野要出去荃灣做,早左個幾鐘出門口,攝到時間去做個 facial, 對上一次係半年前,超耐。

難得出街就要盡用時間,所以飯前極速 shopping, 買左想買好耐既野。

做晒要做既野,兩公婆食埋壽司先返屋企。

2015年4月25日 星期六

2015-04-20 公公 & Max


公公由加拿大回來一個月了,起初 Max 比較怕公公,成日黐婆婆都唔黐公公。

經過連月黎既相處,已經 friend 左好多啦 : )

2015年4月24日 星期五

2015-04-18 Ethan’s birthday party@JumpinGym


從來未帶過 Josie 去冒險樂園玩, mama 真係好 out, 記憶中既係「出奇老鼠」同埋「歡樂天地」, hehe……暴露晒年齡既秘密 :P

唔係收到同學仔既邀請,真係唔知冒險樂園原來可以攪生日會架, Josie 玩得好開心呀~

2015年4月23日 星期四

2015-04-18 沙灘拾貝殼


Josie 個環保親子勞作已完成得7788, 只係差d貝殼裝飾,今日帶晒兩個落去沙灘慢慢執, Max 非常之開心。

2015-04-17 Josie wears mama’s sunglasses


2015年4月22日 星期三

2015-04-16 Max likes reading alone


Max 好鍾意趁家姐返左學,爬上佢張床睇書。

mama 諗住親子一下讀俾佢聽,點之佢話 “mama, go away” =.=

2015年4月21日 星期二

2015-04-15 playing in park b4 English Art class


好開心終於可以有時間俾 Josie 出去學下野,早前已經想俾佢參加學校既課餘班 English Art, 但冇工人一湊二既日子,再加上上一期係寒冬時間,實在唔忍心喺nap time 未瞓夠就摷醒埋 Max 出去接送家姐學野。

而家情況唔一樣啦,屋企既人手唔同晒,唔使再孤軍作戰,只係特別安排 Josie 放學瞓左晏覺先,瞓醒先食野再出發,全完影響唔到 Max nap time.

2015年4月20日 星期一

2015-04-14 各自換衫要出街


晚飯後玩玩下,突然講起 Ivan 表哥, Josie 話想 Ivan 表哥黎屋企玩,我話夜啦要瞓覺唔玩啦,佢就話要去 Ivan 表哥既屋企玩,仲叫 Max 換衫著鞋,個豬 Max 信以為真,同家姐兩個喺房自己摷衫摷襪著,叫都叫唔停 =.=

2015年4月19日 星期日

2015-04-13 十三周年@拍拖紀念日


屋企有人幫手睇小朋友,等老公收工之後就可以去撐枱腳啦~

冇預早訂位,隨便喺 TST 周圍行下搵餐廳,最終搵到肚餓又咁啱去到 PIZZA EXPRESS, 即時入座^^

2015年4月18日 星期六

2015-04-13 Josie@超聲波檢查


八個月前停藥,一直覆診 monitor 住血管瘤既情況。

今日本來係復活節後第一個上課日,但撞啱要到醫院做 ultrasound, 唯有請一日假。

由兩個月大做磁力共振、每日服藥、定期覆診見醫生,再加不定期既超聲波檢查, Josie 早已習慣,而且好熟悉程序,如常都係好合作。

唔知幾時可以為呢件事畫上句號,希望可以早日退晒D紅印 =.=

2015年4月17日 星期五

2015-04-12 親戚飲茶


公公婆婆去左旅行咁耐冇見,今日約左太太、姑婆等飲茶聚聚。

星期日,我地一家四口都一齊去埋家庭聚會下。

飲完茶再去 Eva 姨媽家,三老表玩得好開心。

2015年4月16日 星期四

2015-04-11 4th shopping@BABY SHOP


隔左一個月,又儲左一堆貨可以攞啦~

收到通知有幾件好想攞既貨到左,所以就打算去一趟,本來以為夾夾埋埋有56件貨,點之上到去變左1516件,原來係到左貨佢地未通知咋,正!

2015年4月15日 星期三

2015-04-11 三人世界@IKEA


傍晚時間即興出去行下,掉低左 Max 俾工人同公公,剩係輕輕鬆鬆 Josie 一個去街街。

一齊去逛 Josie 好鍾意去既 IKEA, 排到後備位去 playroom , Josie 玩緊既時間我地就去餐廳搵定位、買定野食,一接番佢就齊齊開餐lu~

有過上次既經歷(扭計要買 popcorn 被拒絕),今次 Josie 乖巧多了,一去到 IKEA 已講定會做 good girl, 最後真係做得到,食到 popcorn : )

2015年4月13日 星期一

2015-04-09 足球隊小聚會


有左新工人+公公婆婆在家暫住,最近既生活變得不一樣了^^

老公罕有地在平日既晚上踢波,而更更更罕有地成班玩開既足球隊成員都幾乎全部出席,機會難逢咁齊人,一眾足球隊既太太同小朋友都黎埋,真係罕有加罕有 :P

2015年4月12日 星期日

2015-04-08 飲茶+逛超市

假期完結, dad dad 返工啦,但 Josie 仲未要返學,所以我地瞓醒就同公公婆婆去飲茶,之後再一齊逛超市。

2015年4月11日 星期六

2015-04-07 陳記燒鵝


今日買左戲飛俾公公婆婆睇戲,之後佢地再同姨媽姨丈一齊去探送晒俾人地養既錦鯉,然後又去舊居探新住客,探埋自己個舊花園。

姨媽姨丈仲車埋佢地返黎,話要探下 Josie & Max, 夜晚我地就一齊落樓下食燒鵝晚飯。

2015年4月10日 星期五

2015-04-07 reading & playing together

工人上任一星期, so far 算幾好,算「正常、係路」既,不過經歷太多,乜都可以係假、係扮出黎既,所以唔敢開心得太早,繼續觀察吧~

用工人多年仍然未試過俾工人單獨帶小朋友出街,但巡例都帶佢去一齊去 clubhouse 玩,睇睇佢看管小朋友既情況係點、有冇安全意識等等……

2015年4月9日 星期四

2015-04-06 公公婆婆&JM@outdoor play area


今日天氣好好,瞓醒就帶左 Josie & Max 落會所玩、踩單車、玩風車,公公婆婆又可以散下步, very nice!

2015年4月7日 星期二

2015-04-04 環保親子勞作@beach & clubhouse


自細已經係「美勞白痴」既 mama 真係好怕學校一切同畫畫、手工有關既功課或比賽,所以晨早已同 dad dad 講明呢方面既野交俾佢負責,好彩 dad dad 有呢方面既天份同埋興趣,如果唔係都唔知點協助 Josie 交功課 =.=

今次有個同環保有關既親子勞作,dad dad 帶左 Josie 去沙灘搵材料,執左樹枝、樹葉、貝殼、麻繩等等……然後再去會所慢慢整。

2015年4月6日 星期一

2015-04-03 Little Tikes Attach 'n Play Basketball


一心買個籃球架掛喺大門玩,點之道門太厚,原裝個hook唔啱用要另外 DIY, 勉強玩到, Josie & Max 玩得好開心,有人都爭住玩埋一份 =.=

叫極 Max 都唔肯拋波,猛叫人抱佢 shoot, 冇佢好氣,索性俾張櫈仔佢企 ) 

2015年4月5日 星期日

2015-04-02 Easter Party

( 放假前學校既復活節慶祝活動,唔使著校服,著左件兔仔衫配合番主題 )

2015-04-01 終於有工人啦!


擾釀14個半月既工人問題,今日可以講係告一段落啦!

新工人終於正式上任,漫長既等待真係好痛苦,但倒數佢黎既日子一D興奮既感覺都冇。


對上申請嗰個工人喺入境署審批完成之後臨時取消來港,所以今次 agent 通知我買左機票我都唔敢當真住,直至知道佢真係有上機、安全到達,再過埋驗身我先真正覺得件事係真!

呢段日子經歷實在太多,等待期間完全冇嗰種「只要等到佢黎就一天都光晒」既感覺 >.<

一如以往,我唔期望請到個好好既工人,只係希望有個正常、係路既,幫輕到我既工人就夠啦!!!

WISH ME LUCK (AGAIN =.=) !!!

2015年4月4日 星期六

2015-03-30 big strawberry, so yummy~


接完放學同 Josie 去超市買粟米煲湯,咁啱見到好靚既 strawberry, 又平又大粒。

一返屋企已即洗試味, so sweet~

Josie & Max mama 一樣好鍾意食士多啤梨 )

2015-03-29 樓下冰室


Josie Ivan 哥哥玩完之後,夜晚同公公婆婆、姨媽姨丈食晚飯,人開心特別開胃, Eva 姨媽話佢食好多野。

2015年4月3日 星期五

2015-03-29 三個人的晚餐@大戶屋

拜山之後 Josie 去左姨媽屋企玩,我地罕有地三個人出街晚飯。

平時全家出動食飯好忙亂,實冇啖好食,成日食完已經要走冇乜時間行下商場。

今日兩公婆帶住一件出街勁輕鬆,泊完車搵餐廳,食完野行一陣,全程只係用左一個鐘頭八個字,做埋泊車優惠,出車都仲剩20分鐘,我地就出發去接返 Josie.

湊少個加上 Max 合作,今日特別覺得佢乖D可愛D ^^

2015-03-29 預早拜山


2015年4月2日 星期四

2015-03-27《五個小孩的校長》


本來等老公收工其實係想坐順風車,但難得有人幫手睇住 Josie Max,我地把握兩人世界既機會,食飯再直落睇戲, so great!
( 推介!!! ……..入場記得帶紙巾 >.< )

2015-03-27 my leisure day


今日要出去訂玻璃窗既隔熱膜,將 Josie & Max 交俾公公婆婆睇住。

公公婆婆去完旅行,暫時一齊住,多左人手多兩對眼, 我就多左走棧既時間可以做自己野,唔使下下等星期六、日。

訂完野,自己一個去左 shopping, 再去 coffee shop 飲野等老公收工。

2015年4月1日 星期三

2015-03-24 Josie 釀豆卜

今日 Josie 又入廚房幫手啦,又洗菜又釀豆卜,叻叻!