網頁

2009年3月31日 星期二

2009-03-28 My favourite dog ── 斑點狗

最近從露台望出去, 見到附近某家人養了一隻斑點狗, 於是今天特意過去看看.



Husky & 斑點狗都是我最喜歡的品種, 不過斑點狗不容易買到的, 可惜今次主人不在, 不能打探一下消息, 希望下次見到狗主人啦!




( 一去到, 斑點狗就趴上來, 不過主人不在, 我地都唔敢亂摸 )


2009-03-27《隨心所欲》


好朋友看過這本書後主動借給我看, 還親自送來, 收到後已急不及待開始看, 原來我已有過這個作者其中一本很有名的著作《我變快樂了》, 這本同樣是一本很好看的勵志書,
Alex
多謝你的分享, thank you!


2009年3月30日 星期一

2009-03-26 Mint Thai House 薄荷葉泰國菜

今天跟舊朋友 Fish
聚舊, 她帶我來到一間裝修精緻的泰國餐廳晚飯, 近來發掘了不少元朗區的好食肆, so good!

很久沒見, 我們爭最每一分每一秒傾計, 好開心呢!

                  


 




( 我結婚的時候, 她參加了英國的遊學團而未能出席, 於是後補了一份結婚禮物給我們, thx! )









( BATH
的名信片, 這是一個很有名的旅遊點, 不過上次到英國時我沒有去 )




( 另外, 她在 LegoLand 買了這個有趣的 salt & pepper 給我 )


2009年3月28日 星期六

2009-03-25 幫 CoCo 拆利是

已經農曆二月尾, 今日先替 CoCo 拆利是.



CoCo 今年的利是錢是過去的雙倍, 因為我們結婚了, 牠多逗了兩封


( 買了牛奶味維他命軟膏 )


2009年3月27日 星期五

2009-03-24 爆呔@屯門公路

睇完戲由九龍塘揸車番屋企, 行緊屯門公路, 突然駕車好震, 個軚有少少向左向右, 我第一個本能反應係按死火燈.



跟住老公將駕車慢慢由快線駛去慢線, 停左駕車之後好驚, 因為D大車係咁係我地身邊過, 車速好快, 好驚佢地一個唔入留神會撞埋黎.

我地好想睇下爆呔既情況, 不過係右面後呔, 我地根本落唔到車睇, 因為D車駛得好貼, 連門都唔夠位開.

我地覺得自己身處既位置太危險, 好想駛去避車處, 於是以極慢車速再向前駛, 不過都係見唔到有避車處, 但個段路都算係直路, D車都可以及早睇到我地, 之後我地就離開車箱, 上左山岥暫避.

停左o係慢線側邊既位置但都唔係好安全 )

( D大車行得好高速好恐佈 )



如果爆既係左面既呔, 我地都可以嘗試自己換, 但係換右面既呔太危險啦, 容乜易俾車撞死!



另一邊廂, 朋友教我地報警, 等警察幫我地手疏導交通, 等其他車唔好撞埋黎. 另外, 又替我地找了拖車公司來.




( 兩個交通警黎左, 閃晒警號燈, 同埋打手勢叫 D 車駛去中線 )


拖車公司既人即席幫我地換士啤呔 )

( 呢個就係嚴重爆裂既車呔 )



呢件事總算有驚無險咁 settle , 過程都幾驚, 好彩當時同老公一齊, 如果得我自己一個, 一定驚多十倍.



諗番轉頭, 成件事都算好好彩….



….當時我地車速唔算快, 爆呔時駕車都算控制得到



….當時剛好冇車跟貼我地, 唔會收唔徹制撞埋黎



唔係老公去緊番工既時間, 如果唔係就十級麻煩



經過呢次高速公路爆呔事件之後, 又學識多一樣危機處理, 同埋原來呢D事件都可以搵警方幫手, 佢地好 helpful, 好有禮貌, 真係唔該晒!

另外, 要特別多謝 Wing, thx so much!


2009年3月26日 星期四

2009-03-24 《He's Just Not That Into You 收錯愛情風》

今天老公要到九龍塘聽 talk, 我乘機跟埋佢車出去(因為唔鍾意迫巴士!), 晨早流流去了又一城, 舖頭都未開齊, 結果去了 Page One 打書釘
                            



等老公聽完 talk, 剛剛好可以在 AMC 睇戲, 有三齣戲好想睇, 不過遷就老公, 先睇《He's Just Not That Into You, 輕輕鬆鬆的愛情小品, 真不錯!
AMC 戲院好寬敞舒服, 不過冷氣勁凍, 我攬住杯 Starbucks大杯裝熱 mocha 都睇到打冷震

2009年3月25日 星期三

2009-03-23 給唐狗仔一個家

晚上跟 Fa, Man,
& Wing 晚飯, 33 新年團拜後真的好像沒有聚過



 Man 推介的福福拉麵 )



席間阿 Man 問及有沒有唐狗 BB 可以領養, 他們想領養給獨居的婆婆, 因為飼養多年的唐狗走了, 結果帶了他們到朋友家領養兩隻流浪的小唐狗.



多謝阿平 &
Ell
的清潔工夫, 幫兩隻 BB 洗白白, 接著我們就向大帽山進發, 將牠們送給婆婆.

                    




( 相信老人家沒有能力替兩隻小唐狗清潔美容, 但總好過牠們要流落街頭呢! )