網頁

2014年11月30日 星期日

2014-11-25 飯前放電


其實尋日已好想帶 Josie & Max去會所玩,但偏偏尋日 Josie 勁曳,激到 mama 好嬲,實在帶唔落手!

今日見佢兩個聽話好多,又帶佢地去玩下啦~

indoor play area 裏面好多大哥哥大姐姐追逐, mama 要同時睇住 Josie & Max, 好有難度,累!

2014年11月29日 星期六

2014-11-24 OWC 480GB SSD + Aura Envoy Kit + Parallels Desktop


2011 macbook air 開始用 SSD, 當年容量好細,只係得 64GB,明知一定唔夠用都照買,因為真係好想感受 SSD 既速度。

今時今日 64GB 算得係咩容量,分分一隻UBS手指都多過佢,成日插住個 external 又覺得唔方便。
用左咁耐,都仲覺得部機好好,冇理由為左個容量買過另一部,所以想換個大D SSD, 點之遊走各腦場都搵唔到 for macbook air SSD.

結果要衝出香港,向美國 Other World Computing (OWC) 訂貨,訂到最大都係 480GB, 都好! 都頂得下。

其實年頭 DHL 已好快寄到黎香港,一收到貨已急不及待自己上網學安裝,一 take OK 勁開心。

另外因為某銀行既 e-banking 要用 PC 先上到,加上我間唔中會用 PhotoCap, 之前裝既 bootcamp 好麻煩,用起上黎唔方便,所以一次過訂埋 Parallels Desktop, 以後喺 Mac Windows 之間切換就唔使重新 log in log out. 由年頭忙到而家,終於都安裝好埋啦~
三樣野連埋運費,呢個 upgrade 用左 HK$5000 ) 

2014年11月26日 星期三

2014-11-20 mushroom Josie


mama 每日既生活好充實,朝早照顧 Max 飲食,中午一齊接放學,最忙既時段就係安排 Josie 午膳時間,同時間要安頓好 Max 瞓晏覺。

Max 瞓著左之後,就可以幫 Josie 沖涼,到 Josie 都瞓埋之後,上半場總算完結。

忙碌之中有時都有些笑點,發傻一下~

2014-11-20 唔願出街?!

平時準備出門接家姐, Max 一見到外套、襪、鞋等等會好興奮,即時好合作咁坐喺櫈仔等我幫佢著。

今日佢竟然掛住砌英文字母,催佢都唔理我,直至砌晒全份先罷休,真係極少有。

本來諗住早少少出門口去超市買完野先去接 Josie, 結果要聽日前先可以去買,如果唔係就會遲到 =.=

2014年11月25日 星期二

2014-11-19 傻更更笑一大餐



 Josie 喺畫紙上面亂畫一通,惹得 Max 傻笑一大餐,冇份畫,齋睇都可以好開心^^


P.S. 短片已上載 facebook page.


2014年11月24日 星期一

2014-11-17 傻的嗎?!


對鏡鬧自己、笑自己,再繼續鬧自己 :P

P.S. 短片已上載 facebook page.


2014-11-17 我們仨@play area



mama 又趁晚飯時間前帶住兩個落會所玩,陪左佢地成日再帶出街放電,好攰但都玩得好開心。

2014年11月23日 星期日

2014-11-16 倒霉的2014


一月初工人完約返印,預早用$8000 agent fee 重新請一個 oversea 既印傭,遲左黎三個星期,當中已經覺得頂得好辛苦,點之黎左只係 1.5 個月,完全貨不對版,頂唔順買$1500 機票送佢走,agent 都冇幫到咩手,雖然可以半價換另一個,但我已冇信心再花幾個月請另一個可能係類似既物體。

之後朋友介紹經 Hire Me Free 請左個斷約工人,我真係好抗拒斷約嗰D,總覺得係好既,人地就唔會唔用你,自己 break contract 既,break 得人地他日都可以 break …… 我要求 agent 幫我聯絡前僱主,想查詢一下佢既工作表現,agent 之後通知我話前僱主話:「人都走左,唔想再講」,我當時衰心急,唔想再過冇人幫既日子,interview 完就請左呢斷約菲傭。

請完又唔安落都係擔心,於是自己跟住個斷約工人既 contract 地址寄左封信俾前僱主,希望佢好心簡單話我知個工人請唔請得過,誰不知前僱主一收到信,知道我要請呢個工人照顧一個一歲三個月既Max,同3歲既 Josie, 即時同我傾左45分鐘詳談呢個工人超級唔掂既工作表現(全日發白日夢、精神不集中、不能跟從指示、練精學懶、得過且過、不可靠、不踏實、不老實、不可信、讓她照顧小朋友好危險、講好多次要啄住先做、講大話、向僱主借糧、博炒……),與此同時查證得到 agent 根本冇問過佢願唔願意同新僱主對話,擺到明係唔想穿煲。

2014年11月22日 星期六

2014-11-16 兩隻豬仔扮瞓覺


兩個傻豬無端端搬d cushions carpet area 玩瞓覺,Josie 扮得誇張得滯, Max 就擘大眼扮瞓覺,太攪笑了吧~

P.S. 短片已上載 facebook page.


2014-11-16 我學會了認讀


Josie 向來都好鍾意睇圖書,其中 oxford reading tree 係佢好喜歡既一套書,通常我地陪佢一齊睇,由我地讀俾佢聽,到後來我地會逐句句子讀,然後叫佢跟住讀。

今日心血來潮完全唔讀俾佢聽,輪到我地指住D句子要佢自己讀。

16版既小故事,一共14句簡單句子,原來 Josie 可以讀到七成,雖然好多係因為佢認得D圖畫,又已經了解個故事內容,但mama dad dad 都覺得好 surprise, 相信你能夠愈學愈多,繼續努力啊!

2014年11月21日 星期五

2014-11-15 +ve’s birthday~

( 勁難影既自拍照,NG勁多次,因為 Max 成日偷食 M&Ms, 又掛住望個蛋糕 )

2014年11月20日 星期四

2014-11-15 Josie 教越獄


Josie知道唔可以隨便入 Max 間房,暗緊瞓,同埋瞓著左都唔准入去。

近黎佢一聽到 Max monitor 傳出瞓醒既聲音,佢就會走入 Max 房,氹下佢開心同佢玩下。

今日喺 ip cam 觀察佢地既動靜,好攪笑見到佢地既一舉一動,先係 Josie 爬入 Max 張床,再教佢爬出黎,兩個人仔真係大膽^^

2014年11月19日 星期三

2014-11-14 沒有工人的自強日子


沒有工人的日子,我地分工合作共度時艱,mama全日一個湊兩個,帶出帶入接放學已經開始習以為常了,其他時間就照顧佢地既飲食、沖涼、睡午覺、做家務……

mama 只得一對眼、一雙手,實在唔係全能,只能夠盡做,至於對 mama 最困難既一個項目──煮飯,就只能交俾 dad dad 去完成。

其實都係普通家常便飯,但 dad dad 偶爾都會花D心機上網或跟cookbook煮,分享下其中三味餸先^^
( 葡汁焗西蘭花薯仔雞柳,誠意十足,好味! )

2014年11月18日 星期二

2014-11-13 silly Max in ip cam



傻瓜 Max 爬上家姐張床,係咁用手指篤床頭個 ip cam, 跟住又傻笑,簡直當一件玩具咁玩 :P

2014-11-13 黑白芝麻醬杏仁片麵包

用最基本既麵包 recipe, 隨意加入黑芝麻、白芝麻同埋黑芝麻醬,最後喺麵包機最後一次攪拌之後落杏仁片,終於第一次成功夾到 timing, 唔會早得滯 mix 晒入個包裹面,又唔會遲得滯D杏仁片同個包都冇黏實。

2014年11月17日 星期一

2014-11-12 DIY birthday cakes


早前買生日蛋糕慶祝 Max 兩歲生日,帶左D蛋糕 catalog 返屋企,Josie 好鍾意睇,仲有樣學樣用玩具砌左好幾款生日蛋糕,最近成日都話係 mama 生日 :P

2014年11月16日 星期日

2014-11-11 使唔使咁心急?!

Max 已經深深明白 high chair 同食飯既關係,當佢想食飯就會自己去拉張 high chair 出黎,然後話:「食飯呀~

今日仲誇,未等 mama 預備好食物已經心急到自己爬上 high chair,好危險呀!

2014年11月15日 星期六

2014-11-10 play b4 dinner


近日 Max 成日黃昏時間好扭計、忟忟陣陣,mama 索性一個帶晒佢地兩個落會所玩,費事喺屋企俾佢地煩爆。

2014年11月14日 星期五

2014-11-09 吉意思 Kiss Food


沒有工人既日子,好彩搵到個星期日鐘點幫幫手,不過要留家睇住佢做野,做好都已經夜,冇再出街,近近地喺屋企樓上搵間餐廳食晚飯。

2014年11月13日 星期四

2014年11月12日 星期三

2014-11-07 血管瘤覆診


沒有工人既日子,要 dad dad 請假幫手帶 Josie 去醫院覆診。

既然請左假,接送 Josie 放學都交埋俾 dad dad , mama 可以輕鬆一下。

2014年11月11日 星期二

2014-11-06 原來踩屁股好好玩



P.S. 短片已上載 facebook page.


2014-11-04 接家姐放學

好一段時間帶住 Max 去接 Josie 放學,對 mama 黎講要揹住日漸長大既 Max 行路真係好辛苦。

由尋日開始我終於改用架輕便 BB 車,必行嗰一段梯級路亦都搵到𨋢代替,雖然冇咁辛苦,但其實都絕不 easy, 一手推車,一手拖 Josie, 推上石磗、入屋苑大閘始終都係論盡,都係嗰句放學時間最緊要唔好落雨,一對手可以做既野真係好有限 =.=

2014年11月10日 星期一

2014-11-03 Happy 2 years old


一如以往我地覺得小朋友生日唔一定要開生日會,除左一歲生日意義特別之外,我估我地起碼到佢地五歲先會再攪生日會。

其實每次見到小朋友生日 party 上既「禮物山」,我都好奇究竟事後佢地點樣「消化」嗰堆禮物,莫非大家屋企都有無盡空間?!

2014年11月9日 星期日

2014-11-02 我的驕傲──全人奶14個月+2年


聽日 Max 兩歲啦! 我的人奶之路完滿結束啦!

由第一胎生 Josie 開始,我已決心要餵人奶,當中遇過好多問題(血管瘤留院、part-time代課……),但我從未諗過放棄,去到邊餵到邊、泵到邊,最高峰每日餵十二餐,嚴重唔夠休息。經歷過冇工人既日子,泵奶、洗奶泵、儲奶、翻熱人奶真係好花時間,但都一關一關地捱過。

因為有左 Max 又嘔又痛,最終 Josie 全人奶14個月冇再餵落去。

直至 Max 出世,

2014年11月8日 星期六

2014-11-02 drawing & playing piano

2014-11-01 《魔警 That Demon Within》


D以為係三級片,點之原來只係2B級。

警察既心理質素真係好重要,有病真係要求醫,神志有問題又點執法呢!

希望現實生活冇呢D魔警啦!

2014年11月7日 星期五

2014-11-01 我們的星期六


一直有捧場睇我 blog 既網友應該都知我超勤力 update, 縱使種種因素經常同 real time 距離一段時間,但我總係「有拖冇欠」既^^

我已經當左自己個 blog 係網上日記,寫野post野已經成為左我既生活。

連續第三個星期六自由身啦,可以追趕「進度」啦,長期落後既 blog 終於追貼好多啦,勁開心!

2014年11月6日 星期四

2014-10-31 祝一路順風~


好開心今日可以送媽咪爸爸機,明早六時大概應該已抵達加拿大。

呢一刻實在非常感動,因為2014年實在發生太多太多既事。

年頭爸爸要做大手術,住院兩個月,兩次深切治療,喺爸爸最需要支持同照顧既時間,媽咪唔能夠去醫院探望。

變成沒有工人忙到顛既我、二家姐同埋兩個姑姐輪流探望,為爸爸買物資、食物、洗面、抺身。
我心深處知道爸爸其實是希望當時照顧他的是媽咪,但當時媽咪身體都有問題,知道媽咪已經好一段日子受痾血既情況困擾,一家人都鼓勵佢搵醫生檢查清楚,但佢偏偏唔願意行呢一步,而去接受親戚介紹既「能量治療」,貼貼紙、食米紙、飲薄荷水、搽好多唔同產品以及到中心接受「治療」,以上種種花費不菲。

治療中既媽咪簡直判若兩人,有如中邪教一樣,行為怪異,談吐都變成另一個人,經常維護呢個團體。

2014年11月5日 星期三

2014-10-31 Happy Halloween

2014-10-31 hair cut@toy shop+salon


上次剪頭髮極力掙扎,今次叫埋 dad dad 一齊去,諗住多對手幫下忙。

好彩今次好好多,唔使搏鬥。

2014年11月4日 星期二

2014-10-30 大閘蟹宵夜


公公同婆婆買左大閘蟹俾我地食,但原來佢兩個都唔食得。

結果四隻大閘蟹我同老公兩個食,一向唔唔特別「好」大閘蟹既我第一次食晒成隻,用左成個鐘先食得完。

由夜晚十一點差唔多食到十二點,所以我放棄食第二隻啦,最終老公一個人食三隻^^