2008-07-19 我和阿政的終身大事(感想篇)

婚宴圓滿結束, 我同阿政真係好開心好感動, 要多謝既人實在太多, 講左好多次都仲係好想公開讚揚:

1) 多謝天公, 整個月都不停落雨, 而過大禮同埋 719 當日卻非常好天氣.

2) 多謝媽咪爸爸, 整個過程中佢地好諒解我既忙碌, 對我地絕對信任, 放心俾我地攪, 冇意見多多.

3) 多謝一班姊妹, 用心幫忙, 為求效果好不惜花好多時間去設計遊戲, 做左好多 paper work, 719 當天著到鬼咁靚都爬高爬低裝飾走廊, 仲暴曬左好耐

4) 多謝阿銀, 擔當遊戲統籌幫我打點一切, 唔使我操心

5) 多謝伴娘阿花, 又醒目又細心咁照顧我, 係我見過最得力既伴娘, 有你幫忙係我既榮幸

6) 多謝阿清, 你既「情緒控制主任」做得好出色, 無論去到乜野角落, 只要我地有眼神接觸, 你就會回報我一個最燦爛既笑容, 仲不停提醒我要笑. 多謝你應承做我一世既「情緒控制主任」

7) 多謝JAC,
你令我明白到友情唔係用年數去衡量既, 真係好多謝你既參與

8) 多謝阿軒, 到 sweet home 開會、陪羅衫、陪還衫,
每一樣都唔係我地開口叫你幫而係你主動去幫, 婚宴統籌同埋伴郎都一樣咁稱職, 同你真係唔使講野, 心照!!!

9) 多謝兄弟, 晚宴進行期間, 知道你地好努力幫忙, 二家姐都話 D “紅呔人” 好幫得手

10) 多謝阿基, 又爽快又穩陣, 真係好幫得手, 當晚既歌好正, 但你做野做到唔埋位食野, 令我好過意唔去呀!

11) 多謝震宇, 雖然你要照顧老婆同埋雅歌仔, 但都好落力咁幫我地影 SNAP

12) 多謝天德, 你係我信心既標誌, 從一開始搵你影 SNAP 我已經好安心, SNAP
SHOT 王, 我一定會幫你大力宣傳架!

13) 多謝所有賓客, 因為你地令我地個場好熱鬧, 29圍坐無虛席, 陪伴我地證婚既重要時刻, 一直非常擔心人多會很嘈, 但你地真係好好, 令我地可以係莊嚴同埋寧靜既氣氛之下去完成宣誓儀式

14) 多謝送金器首飾俾我既長輩, 金價貴得好緊要, 就算買隻戒指仔都好多錢, 我預左冇乜金器收, 但點之意料之外地收到好多好多, 你地真係好錫我, 好感動

15) 多謝留到送客先走既賓客, 當日阿政真係講左好多野, 到最後送客時都差唔多11點2, 多謝你地俾面, 等我地行出黎送客你地先起身走

16) 多謝阿政, 你既 99 枝玫瑰同埋清唱自創歌詞既歌令我好 surprise, 有一個好難忘既回憶