2008-10-01 俾人玩

最終我今日 1PM 番工,
另一個做野既女仔(簡稱妹妹仔)話我知尋日我走左之後,
老闆同寵物美容師(簡稱X小姐)講起我,
老闆話我今日番番 1PM就算數了,
但 X小姐就覺得就算我番 1PM 都要做死我!
( 因佢覺得我尋晚同老闆理論番工時間冇禮貌 )

聽完之後得已經知道我死梗啦, 肯定會俾人玩!

不出我所料, 做好開工既基本清潔之後,
2PM X小姐叫我放食飯, 冇野呀麻, 食飽飯番
1PM, 但2PM 就放我食飯, 分明玩野,
食完之後 3PM, 咁幾時先捱到
11PM 收工?!

 

我真係覺得好過份, 最終落到去, 仲俾我聽到佢講
D 好乞人憎既說話(佢唔知我o係度),
結果我勁唔開心咁出左去, 情緒好激動, o個一刻我真係好想放棄,
我明明係想學野, 但我已經知道佢唔會好好咁教我,
咁我仲留o係呢間舖有乜意思?! 最終雖然冇去食野,
但都逛足一個鐘先番番去.

 

之後我覺得自己好似俾人隔離咁, 一直都唔使 o係美容房做野,
o係舖面抹貨, 其實都OK, 因為一間寵物店除左做美容之外,
仲有好多野, 我可以學下老闆點樣同客賣貨賣狗,
點樣營運間舖.

 

老闆同我講:「X小姐份人暴燥D,
脾氣大D, 你識落左就會冇野架啦! 」

跟住又話:「其實早放食飯都有好處既,
如果唔係一多野做起上黎, 就好夜先出到去, 如果唔想食野咪出去行下,
夜左肚餓可以叫外賣 」

 

老闆比較 nice, 佢想緩和我同
X小姐之間不好的氣氛吧!

 

我覺得 X小姐係想我知難而退, 唔知係為啖氣定係點,
佢想迫走我, 我就偏要捱過去!

 

好! 再觀望多幾日先作決定!

 

尋日沖過涼/剷過毛既其中一些狗狗: