今日第一日開工, 幫了幾隻貓狗剪甲、磨甲、剪腳板底毛、拔耳毛、洗耳仔、剷毛、沖涼,
全日冇乜停過手, 最辛苦係臨收工洗籠、抹籠、抹玻璃,
o個一刻有 D 後悔揀左呢間規模比較大既寵物店,
抹死自己!
夜晚有一鐘食飯, 我真係好唔習慣一個人食飯,
平時迫不得已要自己食我會選擇外賣, 但今日要出去一個人食,
以後要習慣下啦!
今日其實有件好唔開心既事, 就係老闆更正我既番工時間係
1 PM, 唔係 2PM, 我真係勁唔開心,
我有極力同佢爭取照番 2PM, 因為見工時真係咁講,
我計過數先肯做既, 而家突然每日番多一個鐘,
一個月成 26 個鐘,
變相等於番多 3日, 但人工不變!
有冇攪錯?!
老闆竟然話自己講錯左, 同埋另一個妹妹仔都係番
1PM, 如果我番 2PM 對呢個妹妹仔好唔
fair
實情我覺得係對我唔 fair, 好唔開心!
基本上我只有兩個選擇, 一係番 1PM, 一係唔做!
如果我聽日照番 2PM,
你估會點呢?
唉~ 我真係好唔習慣, 咁屈就咁辛苦,
話晒教開書, 搵開比較多錢, 同埋叫做得到學生、同事、家長既尊重,
一下子做左廉價勞工, 轉變實在太大.
除左教書/代課之外, 我兼職補習既人工,
補 1.5小時,
已經等於而家o係寵物店做一日既錢, 真係好辛苦呀!
原本我訂既目標係一個月, 而家可能要改一改啦, 做到一星期先再算.
我實在不能忍受吸二手煙!!! (全間舖計埋我得四個人, 但佢地3個都吸煙)
做完一日, 我雙手已經超”鞋”
, 仲好多抓痕, 聽日阿政放工番黎見到都會心痛
我唔會咁快放棄架, 做得呢份工就預左唔係搵錢, 係搵經驗, 我要繼續努力!
美儀，加油呀！我知道呢份工作一定係勞力多於錢，知道一定會好辛苦，妳講得啱呀！呢個係經驗黎架，雖然係辛苦都係值得既，支持妳同欣賞妳！
回覆刪除[版主回覆10/06/2008 12:09:00]多謝晒~
加油呀 ! 無論多辛苦也好 ... 只有你自己知道背後的目的 佢地 點奸商、點"克"薄、點無理都好... 當你一想到自己的 目標 ... 心裡應該冷笑 !!! 笑一下........ 笑他們可以"蝦" 得幾奈 ?
回覆刪除[版主回覆10/06/2008 12:10:00]Yes! 我唔係F.5畢業讀唔成書, 可以任佢魚肉既妹好仔呀!
雖然係辛苦，但這是你一直想做的工作，try your best...加油呀
回覆刪除雖然係辛苦，但這是你一直想做的工作，try your best...加油呀
回覆刪除[版主回覆10/06/2008 12:11:00]Thanks, i will try my best^^
攪結婚之事...忙過不停~沒有和你傾過計呢~
回覆刪除原來你已經向著自己的夢想出發了，太好喇...事實上有幾多人可以咁?有時候，理想不能用金錢去衡量，所以...俾心機做!吸收多些工作經驗，日後，工作環境就可以由你去控制了^^
[版主回覆10/06/2008 12:14:00]其實可以做呢個決定, 我覺得很幸福. 我知道很多人的夢想永遠只能停留在"想"的階段, 而我真的可以去 "做" 去"試" , 無論將來結果如何, 總算試過, 不用帶著遺憾 : )