2011-12-02 懷疑尿道炎再睇醫生

高燒過後，Josie 反覆微燒，最終都係去平時睇開既兒科醫生度check一下。

醫生話BB發燒，很多時因為中耳炎或者尿道炎。

檢查過後排除是中耳炎，而check尿道炎就要留小便。

醫生俾左個尿袋同埋試紙我，跟左佢教我既使用方法之後成功留到小便，試紙顯示結果係 positive.

於是又再帶返 Josie 去診所，醫生將留o係針筒裏面既小便樣本放落顯微鏡睇，結果係正常。我好奇怪點解會有咁既 result, 點之醫生話呢種試紙唔知有幾多幾多%會出到呢個結果(佢話出面好多醫生一見到 positive 就會要BB留院)，而最準確係用顯微鏡睇。

所以最後係無事既，Josie 並唔係因為中耳炎或者尿道炎而引致發燒。