近日媽咪話Q仔唔願食野，冇精神，今日我帶左佢去 SPCA 睇醫生。
由放低Q仔做 x-ray 及各樣化驗，回家等消息既過程中我真係好擔心好擔心。
非常不幸地媽咪俾過湯渣 Q仔食，佢原來卡左骨o係食道，令到一邊肺都爆了，基本上救唔到，因為無論係用胃鏡將骨頭拎出黎，又或者動手術開肚，都有極極極大的風險，而且也不擔保將來肺部能夠復原。
Q仔十歲多了，醫生建議讓牠安樂死。
收到呢個消息我真係好傷心，因為事情太突然，當初只係以為普通唔舒服，冇諗過冇得醫，要做呢個決定真係好痛苦。
去到 SPCA，醫生有一個小時俾我同Q仔獨處，攬住佢眼淚不停咁流。同佢傾左好多好多計，回憶好多過往既開心片段，我真係好唔捨得。
( Our last pic, bye bye Q chai, i love u forever.
RIP! )
最終診所要關門既時間，我將Q仔交左俾醫生，冇勇氣睇住佢打o個枝針，我唔想睇到佢冇左知覺既樣。
就係咁就送走左Q 仔，Q仔真係好對唔住呀! 我唔知呢個決定究竟o岩定唔o岩 >.<
從收養Q仔當天開始已經知道佢係一隻顛狗，明顯係受過虐待，見親衣架、地拖一定狂吠；我地一家人總算用愛去令到佢改善左好多，對人類多左信心，由顛既Q仔，變成一隻可愛既Q仔，真係好唔捨得你呀!
Q仔希望你都記得我地一齊既開心片段，I miss you very very much!!!
再次懷念過去8年多的日子, love you~~~
沒有留言:
張貼留言