2011-03-29 Josie生了血管瘤

o係 Josie 出世 5 日後，左耳出現一撻紅色類似胎誌既野，健康院醫生話唔使擔心，多數會退的。不過，呢撻紅色野愈來愈深色，愈來愈大撻，愈來愈腫令我地非常擔心，原來係血管瘤黎既。而家，終於要入院治療，今日同醫生詳細傾完，決定聽日開始用藥，希望隻藥真係會幫到阿囡。 聽朝我會再同阿囡返醫院，之後同阿囡一齊留院24小時，希望一切會好過來！

From 老公facebook:

多謝大家嘅關懷~ 雖然我們一直都很擔心，但我們都很積極去面對，包括睇醫生再轉介，以及上網搵血管瘤的相關資訊以求了解多一點。加上今天在醫院等到主診醫生的講解，我們相信情況是樂觀的。  我們一直有鼓勵囡囡，也有跟她說今天會到醫院檢查。不知何解，昨晚囡囡哭得很厲害，於是我同佢足足傾左兩個鐘，問佢係咪好擔心，又話比佢知爸爸媽媽會陪住佢，叫佢要堅強d勇敢d....好神奇，佢聽完之後就無再喊。  
今日，阿囡又檢查又抽血又食葯水，但係佢真係表現堅強，沒有多哭。囡囡受苦，我們真的很心痛，不過囡囡的堅強，令我更感動！我覺得佢真係識聽爸爸講嘅說話，好叻女。  囡囡今次無端端多個瘤（個瘤有一個乒乓ball咁大放左係耳仔下面），據說機率是1000個BB就有8至9個。點解咁不幸？唔知道。不過這是一次深刻的體會，體會做父母的擔憂與無比的責任感，以及幸福非必然的老道理。 
Josie加油！