早喺2月28日老公發燒既晚上，我已經好衰咁冇同情佢病，仲開口話佢早幾日無端端著短衫短褲通屋走(平日已經唔見得特別強壯)!
本來諗住小事一樁，睇醫生食藥就會冇事，點之佢首先傳染俾 Max, 繼而傳染 Josie, 睇見兩個小寶貝受苦，傷心既同時好嬲老公。
心諗，你病左冇能力分擔日常照顧兩個小朋友既工作，仲令到佢地病埋，我剩係安排兩個定時餵藥都已經好忙，加上病緊特別扭計，又唔容易瞓著，苦上加苦。
未病好又堅持去返工，一返工又忙到顛，唔夠休息，惡性循環，咁點會好番呢?!
自問由陀 Josie 開始，我已經不斷提醒自己唔可以病，直至餵人奶嗰13個幾月，我依然同自己講唔準病，一病奶量會 drop, BB點開餐!
接住又陀 Max, 直到而家 Max 四個月大，前前後後幾年我都係靠意志力提醒自己要身體健康，我塌左BB就冇人照顧。
相反，咁多年黎，老公成日病，一年裏面咳既時間一定比冇咳既時間多。Josie 出世前同 Max 出世前我竟然係同老公講同一番說話：「你再唔病好，你係咪想阿囡(阿囝)出世見到既係幪面超人呀!」
我真係好想老公明白自己既角色，同埋好好保重身體，呻完!!!
( Max 呼吸好困難，今日試下將
high chair 較斜少少，希望減輕一下鼻水倒流既情況 )
兩個BB仲未好番的話，你試下去睇莫子慈醫生，佢D藥OK架.醫德都好好..我仔次次係佢睇好架，佢診所在沙田希爾頓(一田對面)
回覆刪除[版主回覆03/29/2013 02:22:25]thanks for ur info