2014-01-16 We will miss you!!!

今早 5:30am 工人走了，雖然一早預左離別既呢一日，但一整天還是心情低落。

雖然我同老公私底下叫工人做「超級破壞王」，但其實兩年以來佢既付出遠遠多過我電器、家品消耗既損失。

至少佢對 Josie & Max 既照顧真係無話可說，湊住一歲既Josie、陪我懷胎十月、再料理我坐月坐足100日，同我地共度左最最最忙碌既兩年。

臨別之前，寫左一張 thank you 卡、曬左兩年以來一些生活照俾佢、一封大利是(上面用印尼文寫左 thank you very much 唔知有冇寫錯)，為佢可以一家團聚而開心。

新工人仲未到，催極agent都未有確實日期，黎緊十日八日屋企將會「地震」，期待繼續遇到好人好事，新工人正正常常，屋企盡快重回軌道。