老公努力左半年, 日以繼夜咁溫習, 五月頭仲攞晒D大假實行地獄式溫習, 一切都係為左 IWT ──
一個見習生涯裡面既重要考試.
呢個試係會死人架,
意思唔係真係死, 而係唔合格會冇左份工, 之前亦有人因此而被炒,
所以絕對唔講得笑.
所以老公同埋佢既師兄弟真係超認真超勤力,
工餘既時候有時會約埋去自修室溫習, 臨考既時候大家都攞大假博命溫, 佢地形容呢個 IWT 考試仲慘過 A-LEVEL
今日終於正式考試, 上晝 3 個鐘, 下晝 3 個鐘, 考完之後睇見佢地都好累, 有部份師兄弟考完仲要番工, 剩低既就一齊晚飯.
( 呢一餐講唔上係慶祝, 因為仲要等 result 出埋先可以鬆一口氣
)
( S98, u guys did a great job!!!
)
( 我地去左 Elements 既 nahm Vietnamese & Thai 晚飯 )
( 呢兩張係 waitress 之前幫我地影既合照, 但係影漏左一個佢都唔知 )
( 晚飯前同朋友仔 Renee 短聚左一陣, 傾傾近況
)
拍拖九年, 拉埋天窗, 實在可喜可賀, 祝佢地白頭到老, 甜甜蜜蜜. 好喜歡你地既 wedding, 好sweet
好 warm, 仲充滿友情, 好開心成為其中一個分享呢件事既人 :)
好耐冇番工, 今次接左一間好近屋企既學校, 代左兩日.
以前都代過呢間學校, 覺得D學生 OK 既, 點之今次代訓導主任, 朋友見到我黎代課都走黎講定俾我聽, 我教既全部都係最 “哽” 既班級, 上完幾堂之後真係 feel 到唔簡單.
兩日時間, 好快過左, 如果要代得長就真係唔知點算
( 好多簿改呀! )
近日太陽好猛烈
, 心情大好, 好開心夏天已經來臨.
今日逛街時無意中見到一對好有夏日色彩既涼鞋, 試穿之後都幾鍾意, 不過冇諗過價錢咁貴, 畢竟只係一對涼鞋!
唔知太家認唔認識呢個 “JJ
Mania” 日本品牌(我就唔識!), 穿上之後又真係覺得全對鞋既皮好軟好舒服, 鞋底唔硬. 原本因為價錢而打消買既念頭, 點之個
Sales 主動平俾我, 不過係平雞碎咁多, 所以都係算數! 
實在超出我既 budget, Sales 問我既
budget 係幾多, 我就即管同佢講, 佢回敬我一個詫異既表情
, 但又主動打電話俾老闆等人批准
, 最終真係以我講既價錢成交.
究竟呢D係乜野銷售策略呢? 乜一件貨原來有咁多減價空間架? 唔講價你咪賺多我好多? 
我都唔想考究lu, 總之買左對靚靚涼鞋迎接我最愛既夏天, 好開心呀!
( 呢個款一個有兩隻色, 紅色同埋白色 )
( 其實白色係好靚架, 但我已經有白色既涼鞋lu, 所以揀左紅色 )
( 後面係開口架, 用帶索埋調較鬆緊, 款式都幾特別 )
終於都係冇買 iPhone, 用左 $400 換過個新既 LCD Mon, 太開心啦!
全部電話簿既資料 keep 得番晒, 只係行事曆 lost 左, 都已經好好啦, 不過就有可能某D appointment
真係會唔記得左赴約, 完全係要靠記憶去諗番出黎, 簡直係考我記性! 
( 特別鳴謝呢一個月以黎借出另一部 HTC Touch 俾我用既朋友仔, thx! )
今日去左灣仔會展聽
eCosway 既講座, 打算聽多D健康產品既資訊, 點之除左健康產品介紹之外, 仲有 “SE能量牌” 同埋淨水機既現場示範, 真係嘆為觀止, 番屋企之後忍唔住同屋企人測試下能量牌既功效.
長達四個小時既講座到左尾聲既時候原來有抽獎環節, 向來冇乜抽獎運既我竟然抽中左, 幾百人之中只有十人得到既產品配套都抽中到, so lucky~
( 呢個係 “克氏循環” 配套, 包括Oriyen酵素液、Oriyen益醋锭、Oriyen日本烏梅球、Yaeyama 綠藻锭、Nn有機螺旋藻, 好豐富呀! 
)
( 另外, 表姐夫答對問題得到贈品, 佢送左樽 “Oriyen
極品牛樟芝” 俾我 )
( 買左一套魚子精華系列護膚品送俾媽咪 from eCosway )
( 早前媽咪用呢個煲, 煲粥俾我食, 我將D護膚品放埋入去先還俾佢, 俾左個 surprise 佢 )
( 下午兩點已經開始陪阿麻、媽咪、爸爸打麻雀 )
( 等家姐＆ Wallace 都放工番黎就外賣 Pizza Hut, 小休之後又再續打牌
)
一個簡簡單單的母親節, 沒有大事慶祝, 但一家人麻雀耍樂大半天己經很開心了
今日阿政既表哥結婚, 舉家去左 “砍” !!!
( 一張 white balance 錯晒既合照 )
( 老表合照 )
( 大家年紀都唔細, 估唔到仲……
)
( 入席前人地就麻雀耍樂, 我就要同老公背書, 呢D生活真係好厭悶, 快D到5月18啦, 人都顛呀! 
)
( 大合照 )
睇完前日馬術中心同埋流浪牛之家既 album 之後, 覺得個髮型好肉酸, 之前染過既頭髮已經形成兩截色, 於是今日即係去 salon 攪攪佢. 剪短左少少, 染左暗紫色底再highlight左暗紅色, 個樣精神番少少
( 我地一齊去 salon 既, 老公都剪短左頭髮 )
