2011-10-26 DIY BB車涼蓆

之前買過一塊 MINOMOTO 涼蓆俾 Josie 放BB床，盛惠 $118, 其實我覺得少少貴，不過張床日日瞓，貴D都冇所謂。

後來想買張放BB車，細細張都要 $55, 所以決定黎個 DIY

( o係千色十蚊店買左一包兩塊既涼蓆墊，係 for
大人既枕頭用 )

( 跟住按照安全帶既位置自行用較剪開窿，用皺紋膠紙包邊，以防披口割親BB幼嫩既肌膚 )

( 只花費五蚊雞就造好一張BB車涼蓆，比 MINIMOTO
o個張平左$50
)

2011-10-25 Tea@雪國拉麵

( 雪國叉燒拉麵 )

( 吉列豬扒拉麵 ) 

2011-10-24 慶祝老爺生日

2011-10-24 唔係路既代課

今日本來要去代一個幾星期既代課，但係我代左半日已經覺得課擔唔係路，首先一日十堂，真係好crazy，忙到抽唔到時間泵奶(呢樣野係冇得遷就既，因為所有代課以唔影響 Josie 妹食人奶為大前提)，趕到死死下，仲要係要借用學校醫療室，冇得lock, 一路泵一路怕有人唔小心開門(接呢單代課前，已向搵我代課既副校提出我必需要中午泵一次人奶。)

一早番到去就，未上堂就俾人捉左去開備課會；帶完學生放學諗住可以抖抖，點之副校話要到禮堂睇學生做功課，全校既老師都係咁，直至法定放學時間先可以離開禮堂(事前冇講過，仲要暗示大部分老師都係留到好夜先走)。

最最最大問題係將要考試，勁多書未教晒，好多習作要趕住做，有乜理由要一個代課追趕進度，我計過要一個星期內教2-3課書，點教?!

就算極速教完，相信學生都唔會吸收得到。

種種因素之下，我唔想代落去，所以向副校長請辭，我知係變相一鑊翹起佢(點講都係我唔o岩)，但我真係頂唔到，同埋頂到都會唔開心，咁何必呢!

代得輕鬆、代得開心係我代課既大原則。

副校非常唔高興，講左D說話令我一D都冇後悔唔幫佢代落去，最後仲要攞校長黎撻我，不過我係唔會驚既……見完校長，件事總算告一段落。

成件事從開初接代課起，一直同呢個副校溝通，通話次數唔算多，加埋當面傾過計，我好想講呢個副校真係超唔掂，好少遇到咁既質素既副校。

( 一枱都係要改既簿，加上今日中文默書，超灰！ )   

( 雖然提早請辭，但今日既工作我一定做足晒既，改晒所有簿 )

( 寫低晒批改左咩功課同埋每一班教到邊度等等…… )
  

2011-10-23 永安大減價

自己一個去逛永安大減價，結果買左少量家品，大量BB用品，最終拎唔掂要搭的士返屋企。

2011-10-22 Best friend gathering

三個好姊妹都已經成為媽媽，其餘兩個更加陀緊第二胎，將要做第二任媽媽，所以絕對明白大家有幾忙，能夠百忙之中抽時間見面，俾大家既囡囡一齊玩下，真係好難得，好開心呀!

( 三大三細都係女呀，肚裏面o個兩個就係仔仔，兩個好朋友都儲到個「好」字啦!
)  

( 本來一齊玩水水，不過唔夠時間，所以最後 Josie
自己一個玩 )

2011-10-21 好掛住Josie呀!

番左兩日工，真係每分每秒都掛住 Josie，都未試過同佢分開咁耐，雖然佢已經8個幾月我都咁唔捨得，難以想像好多全職媽媽，放完10星期產假就要投入工作，一定比我更唔捨得。

(

放工返屋企攬番夠本^^ )  

( 天氣涼涼地可以同 Josie
出露台坐下，睇下樹樹，吹下微風 ) 

2011-10-20 幫Josie剪指甲

仲細既時候幫 Josie 剪指甲會容易D，而家愈大愈難剪，因為佢冇時停而且唔合作，結果要開電視分散佢注意力，極速快剪。

2011-10-20 產後第一次代課

生左 Josie 八個幾月一直忙忙忙，中間有學校搵我代課都推晒，因為實在唔係好得閒。今次係舊校搵我，終於接左，因為好想乘機同舊同事聚下舊，兩日咁多 :P

( Me & Wing
)  

( 超級勁勁勁掛住 Josie,
唯有用 iphone
睇 ip
cam 補數  )

( 是日外賣lunch, very bad, 聽日一定會自己帶飯盒 )   

2011-10-16 我的幻想@ballet Josie

睇見呢張相突然幻想Josie大個左學跳舞既情境^^

( Josie… 唔該mic腳尖配合下媽咪既幻想呀)