自從老公放完“產假”之後，我湊B湊得更辛苦，因為老公一返工，連埋交通既時間，係足足30小時不在sweet home, 雖然日頭有工人幫手，但夜晚通常都係我一個人自己攪掂…. 初生baby始終食得好密，人奶媽真係會好累好辛苦，所以每次老公放工，我都好想佢即刻返黎接手湊Josie.
點之今日老公突然同我講收工會返sweet home 先，不過一陣又要再出去 ......…..踢波!!!
踢波?! 唔係呀ma…….身邊個個踢開波既朋友都會因為老婆大肚/湊BB會暫時掛靴。老公話佢已經推左，點之個阿SIR今朝又再打黎叫佢去…… 加上個阿sir 平時對佢好好，佢真係唔好意思推。
雖然老公講到呢場比賽好重要，但我都覺得呢個非常時期老公唔應該去踢呢場波，就算係還人情，都唔係呢個時候去還，我覺得對方係會明白既。
如果係平時既我，一定會b la ba la係咁問問問，但係今次我真係好嬲，嬲到一句聲都冇出，剩係好唔開心好唔開心，仲因為辛苦得滯而自己o係床上面喊左好多次(我估產後荷爾蒙既變化都有D關係)。
本來2月29日就係Josie剛剛一個月，不過今年2月得28日，所以正式黎講，今日就係Josie 足一個月既日子，估唔到daddy送D咁既禮物俾mommy!!!
雖然老公踢完波番黎用盡方法想氹番我，不過都冇用，因為我真係好唔開心，我唔想聽sorry!!! 對sorry 已經聽厭。
我只係想你做每一個決定既時候諗得仔細D，你再唔係一個人，係Josie 既daddy, 有D野係要取捨既。
( Josie@1 month )
