今年第一次派利是, 不過仍然有得收利是, 因為大部份長輩都仍然會派利是俾結左婚既後輩.
( 原來結左婚都仍然收到唔少利是架, 另外, 仲有老公既大利是呀
2009年2月28日 星期六
2009-02-10 eCosway 酵素液
今朝
5:45am 起身梳洗去代課, 真係超早呀! 不過係上午校, 所以一點半已經收工, 之後同左同樣係剛收工既老公去 shopping.
經
Wanda 表姐既大力推介, 買了 eCosway 既酵素液, 係對身體好有益既保健產品, 可以增強免疫力, 一口氣買左 12 枝(因為咁樣買係最抵), 從今日開始同老公一齊飲, 多謝老公!
( 一日飲 30ml, 所以一枝只係夠兩個人飲五日既份量 )
2009-02-09 Shopping alone@TST
今日去左搵師傅, 胸骨發炎既情況終於好得八八九九啦! 
shopping.
( 超鍾意右面條黑白格仔 tube dress, 如果黎緊 21 號唔係好凍, 我打算著去飲架 )
2009-02-08《Bride WARS 新娘愛鬥大》
老公前日先跑完 PFA 4800米, 今日就跑渣打, 諗住佢跑完一定番 sweet home 訓餐飽, 點之佢打黎問我睇唔睇戲.
就係咁我地食完早餐, 去左睇早場.
( 兩個女主角都是我很喜歡的
2009-02-08 渣打馬拉松
今日係渣打馬拉松, 老公第一次參加, 佢只係報左 10 公里, 今朝零晨 3 點幾就差唔多出去, 我一路陪住佢冇訓, 打算揸車送佢去西鐵站, 點之駕車俾鄰居塞住左
原來上網可以睇番成績架, 男子 10 公里一共有三組, 老公係第一組, 佢跑第 25, 如果計晒三組佢既排名係 37, 三組夾埋都有 20,575 人, 跑第 37 名都幾好喎.
後來我先知有一個組別叫做 “十公里挑戰組” , 我問佢點解唔參加, 佢話佢今次只係 for fun 去玩下
跑完之後佢話好舒路, 條路好好跑, 下年可能試下跑半馬.
2009-02-06 Happy shopping
今日同朋友仔只係相約係元朗攞 D 野, 跟住大家即興地一齊行下街, 點之就越買越多, 拎到傻左.
( 今日既超多戰利品 )
其實今日唔係全部野都係我自己架, 好多係屋企野, 其中買一套花茶壺套裝時有一段好攪笑既對話, 當時我睇中左但又唔知買唔買好於是打俾老公
我:「喂! 我而家呢….係元朗 shopping 緊呀….咁呢…. 我想問…」
老公:「買呀~」
我:「o下?! 你又知我講乜?
老公:「買呀~...買呀~」
我:「(笑到出唔到聲)…..點解你知我想問你D咩?
老公:「買呀~...買呀~...買呀~」
真係好好笑, 佢完全未聽, 已經知我打俾佢係有野想買, 最終當然係買左啦, 哈哈!
( 以後可以沖下花茶飲啦! )
( 久違了的百佳粒粒橙汁, 一次過買了一箱, 一共 24 罐, 好重呀! )
( 友人推介下買了 “我的美麗日記” 面膜, 呢個優惠裝好正, 一次過可以試 11 種 mask )
( 真係估唔到o係元朗 shopping 都可以咁 happy….我們的晚餐, 唔食飽D點拎到咁多野呀! )
2009年2月27日 星期五
2009-02-05 單車樂 with Q chai chai
年初七去完大埔團拜, 回憶番細個經常同屋企人踩單車既日子.
我地每次都o係大埔租單車, 一路經吐露港踩去大圍, 再由大圍踩番大埔還車, 沿途會休息食豆腐花, 真係好懷念個 D 日子.
於是我突然間好想踩單車, 問媽咪爸爸飲同唔同我地一齊去大埔踩單車, 佢地話使乜去咁遠, 屋企出面已經係單車徑.
咁又係既, 屋企有咁多架單車, 又使乜特登搭車去咁遠踩, 仲要俾錢租單車! 加上吐露港已經唔再係一個踩單車既好地方啦!
( 屋企好多架單車, 但要踩既時候先知漏晒氣, 激死! )
( 明明無打算帶埋Q仔去, 點之佢對住自己條繩狂吠, 係要到人帶埋佢 )
Q仔從未坐過單車, 佢竟然一出門口無耐就跳車, 要落地屎屎尿尿, 嚇死我, 好彩冇跌親D腳仔咋!
我地試過一邊慢踩, 一邊拖住佢條繩, 俾佢落地行下, 點之隻野傻傻地, 係咁行斜線, 都唔識得驚個“look”, 差 D 輾到佢, 之後我地都怕怕…. 所以踩一陣又停一陣陪佢散下步.
( 靜靜雞入左麥記食野, 好大膽呀! )
2009-02-04 牛年最後一次拜年活動
一向多親戚, 所以拜年活動非常頻繁, 今年做左人地初歸新抱, 更加忙上加忙, 事關大家都係多親戚, 時間真係勁唔夠用, 都唔知可以點分身?!
我終於明白點解 D 人會新年外遊避年, 細個會覺得佢地一定係想避過派利是, 而家我會諗, 可能佢地唔想 “順得哥情失嫂意” (好娘既說話, 但係忍唔住要引用一下
老爺奶奶駕到, 黎同我媽咪爸爸拜年兼竹戰聯誼:
訂閱：
文章 (Atom)