年初七去完大埔團拜, 回憶番細個經常同屋企人踩單車既日子.
我地每次都o係大埔租單車, 一路經吐露港踩去大圍, 再由大圍踩番大埔還車, 沿途會休息食豆腐花, 真係好懷念個 D 日子.
於是我突然間好想踩單車, 問媽咪爸爸飲同唔同我地一齊去大埔踩單車, 佢地話使乜去咁遠, 屋企出面已經係單車徑.
咁又係既, 屋企有咁多架單車, 又使乜特登搭車去咁遠踩, 仲要俾錢租單車! 加上吐露港已經唔再係一個踩單車既好地方啦!
( 屋企好多架單車, 但要踩既時候先知漏晒氣, 激死! )
( 明明無打算帶埋Q仔去, 點之佢對住自己條繩狂吠, 係要到人帶埋佢 )
Q仔從未坐過單車, 佢竟然一出門口無耐就跳車, 要落地屎屎尿尿, 嚇死我, 好彩冇跌親D腳仔咋!
我地試過一邊慢踩, 一邊拖住佢條繩, 俾佢落地行下, 點之隻野傻傻地, 係咁行斜線, 都唔識得驚個“look”, 差 D 輾到佢, 之後我地都怕怕…. 所以踩一陣又停一陣陪佢散下步.
( 靜靜雞入左麥記食野, 好大膽呀! )
沒有留言:
張貼留言